Սպիվակովի փառատոնում բառերով չարտահայտվածը կլրացվի երաժշտությամբ06.06.2016
Ռուսաստանի Պերմ քաղաքում մեկնարկել է «Վլադիմիր Սպիվակովը հրավիրում է» 7-րդ միջազգային փառատոնը: Փառատոնին բացմանը ներկա գտնվողների թիվն այնքան մեծ է եղել, որ կազմակերպիչները «Վիրտուալ համերգային դահլիճ» նախագծի շրջանակներում կազմակերպել են նաև օնլայն հեռարձակում: Այդ մասին տեղեկացնում է «taglur.am»-ը՝ հղում անելով «rg.ru»-ին:
Փառատոնի բացման ժամանակ Սպիվակովը հանդես է եկել ոչ թե նվագախմբի դիրիժորի իր սովորական դերում, այլ որպես ջութակահար: Նրա կատարմամբ հնչել է Մոցարտի ջութակի երկրորդ կոնցերտը, իսկ նրա հետ հանդես եկող Ռուսաստանի ազգային սիմֆոնիկ նվագախումբը ղեկավարել է էստոնացի դիրիժոր Միխայիլ Գերտսը:
Այսօր կմեկնարկի փառատոնի երկրորդ օրը, որը նվիրված է մեծ դրամատուրգ Ուիլյամ Շեքսպիրի մահվան 400 ամյակին: Համերգադահլիճում Շեքսպիրի հիշատակին այսօր հնչեցվելիք նրա ստեղծագործություններում բառերով չարտահայտվածը կլրացվի Փերսելի, Բրիթթենի, և Ֆրանկո Ձեֆերելիի «Ռոմեո և Ջուլիետ» ֆիլմի համար Նինո Ռոթայի գրած մեղեդիներով: Կկատարվեն նաև մեծ դրամատուրգին նվիրված ժամանակակից հեղինակների ստեղծագործություններ, ելույթ կունենան Ուրալի տարածաշրջանի խոստումնալից երաժիշտ կատարողներ, որոնց մասնագիտական կարողությունների զարգացումը մշտապես գտնվում է Վլադիմիր Սպիվակովի ուշադրության կենտրոնում:
Ավելացնենք, որ Պերմի փառատոնի շրջանակներում, ընդհանուր առմամբ, տեղի կունենա 6 համերգ:
Որոնման համակարգում այս թեմայով այլ նյութերի բանալի բառը՝ Սպիվակով, Շեքսպիր
Փառատոնի բացման ժամանակ Սպիվակովը հանդես է եկել ոչ թե նվագախմբի դիրիժորի իր սովորական դերում, այլ որպես ջութակահար: Նրա կատարմամբ հնչել է Մոցարտի ջութակի երկրորդ կոնցերտը, իսկ նրա հետ հանդես եկող Ռուսաստանի ազգային սիմֆոնիկ նվագախումբը ղեկավարել է էստոնացի դիրիժոր Միխայիլ Գերտսը:
Այսօր կմեկնարկի փառատոնի երկրորդ օրը, որը նվիրված է մեծ դրամատուրգ Ուիլյամ Շեքսպիրի մահվան 400 ամյակին: Համերգադահլիճում Շեքսպիրի հիշատակին այսօր հնչեցվելիք նրա ստեղծագործություններում բառերով չարտահայտվածը կլրացվի Փերսելի, Բրիթթենի, և Ֆրանկո Ձեֆերելիի «Ռոմեո և Ջուլիետ» ֆիլմի համար Նինո Ռոթայի գրած մեղեդիներով: Կկատարվեն նաև մեծ դրամատուրգին նվիրված ժամանակակից հեղինակների ստեղծագործություններ, ելույթ կունենան Ուրալի տարածաշրջանի խոստումնալից երաժիշտ կատարողներ, որոնց մասնագիտական կարողությունների զարգացումը մշտապես գտնվում է Վլադիմիր Սպիվակովի ուշադրության կենտրոնում:
Ավելացնենք, որ Պերմի փառատոնի շրջանակներում, ընդհանուր առմամբ, տեղի կունենա 6 համերգ:
Որոնման համակարգում այս թեմայով այլ նյութերի բանալի բառը՝ Սպիվակով, Շեքսպիր