Երվանդ Ենգիբարյանի քաղաքացիական հոգեհանգիստը կկայանա այսօր10.24.2013
Այսօր` հոկտեմբերի 24-ին, ժամը 18:00-ին, Կ.Ստանիսլավսկու անվան ռուսական դրամատիկական թատրոնում տեղի կունենա դերասան Երվանդ Ենգիբարյանի քաղաքացիական հոգեհանգիստը: Իսկ հոկտեմբերի 25-ին, ժամը 14:00-ին հանգուցյալի մարմինը կամփոփվի Երևանի քաղաքային պանթեոնում: Այդ մասին հաղորդել են թատրոնի վարչական մասից:
Հիշեցնենք, որ Երվանդ Ենգիբարյանը զոհվել է հոկտեմբերի 22-ին տեղի ունեցած ավտովթարի հետևանքով։
Երվանդ Ենգիբարյանը 1998թ-ից աշխատում էր Երևանի Կ. Ստանիսլավսկու անվան ռուսական դրամատիկական թատրոնում: Նա ավարտել է այդ թատրոնին կից դերասանական ստուդիան, ինչպես նաև` Երևանի կինոյի և թատրոնի պետական ինստիտուտի ռեժիսորական բաժինը:
Նրա ստեղծած կերպարներից են` Ատոմը («Ընկած բերդի իշխանուհին»), Գլումովը («Իմաստունն էլ, երբեմն լինում է միամիտ»), Չացկին («Խելքից պատուհաս»), Խլեստակովը («Ռեւիզոր»), Ժանը («Ֆրեկեն Ժյուլի»), Ֆյոդոր Ստրոչկովը («Համադասարանցիները»), Կոտեն («Խանումա»), Ժորժը («Ես ամուսնանում եմ ամերիկուհու հետ» կամ «Մորգանի խնամին»), և ուրիշներ:
Ե. Ենգիբարյանը հանջողությամբ հանդես է եկել նաև որպես բեմադրող ռեժիսոր: 2009թ.-ին նրա ղեկավարությամբ բեմ է բարձրացվել Ա. Մարդանի «Վիճաբանություն առանց ընդմիջման» ներկայացումը: Դրանից հետո` 2012 թ.-ին, Ենգիբարյանն իրականացրեց նաև Ա. Յախոնտովի «Սեր կմախքի հետ» և 2013թ. Ն.Սայմոնի «Հրավիրված բանկետ» պիեսների բեմադրությունները:
Նա դասավանդել է թատրոնին կից ստուդիայում, նկարահանվել կինոյում և հեռուստասերիալներում, երկու անգամ արժանացել է ՀԹԳՄ «Արտավազդ» մրցանակի:
Հիշեցնենք, որ Երվանդ Ենգիբարյանը զոհվել է հոկտեմբերի 22-ին տեղի ունեցած ավտովթարի հետևանքով։
Երվանդ Ենգիբարյանը 1998թ-ից աշխատում էր Երևանի Կ. Ստանիսլավսկու անվան ռուսական դրամատիկական թատրոնում: Նա ավարտել է այդ թատրոնին կից դերասանական ստուդիան, ինչպես նաև` Երևանի կինոյի և թատրոնի պետական ինստիտուտի ռեժիսորական բաժինը:
Նրա ստեղծած կերպարներից են` Ատոմը («Ընկած բերդի իշխանուհին»), Գլումովը («Իմաստունն էլ, երբեմն լինում է միամիտ»), Չացկին («Խելքից պատուհաս»), Խլեստակովը («Ռեւիզոր»), Ժանը («Ֆրեկեն Ժյուլի»), Ֆյոդոր Ստրոչկովը («Համադասարանցիները»), Կոտեն («Խանումա»), Ժորժը («Ես ամուսնանում եմ ամերիկուհու հետ» կամ «Մորգանի խնամին»), և ուրիշներ:
Ե. Ենգիբարյանը հանջողությամբ հանդես է եկել նաև որպես բեմադրող ռեժիսոր: 2009թ.-ին նրա ղեկավարությամբ բեմ է բարձրացվել Ա. Մարդանի «Վիճաբանություն առանց ընդմիջման» ներկայացումը: Դրանից հետո` 2012 թ.-ին, Ենգիբարյանն իրականացրեց նաև Ա. Յախոնտովի «Սեր կմախքի հետ» և 2013թ. Ն.Սայմոնի «Հրավիրված բանկետ» պիեսների բեմադրությունները:
Նա դասավանդել է թատրոնին կից ստուդիայում, նկարահանվել կինոյում և հեռուստասերիալներում, երկու անգամ արժանացել է ՀԹԳՄ «Արտավազդ» մրցանակի: