Շնորհակալությունն ուղարկել նաև իրեն դաստիարակած և մեծացրած դայակին02.04.2019
Կինոռեժիսոր Ալֆոնսո Քուարոնի «Հռոմ» ֆիլմը արժանացել է Ամերիկյան կինոռեժիսորների ընկերակցության գլխավոր մրցանակին: Մինչ այդ, այս կինոնկարն արդեն նվաճել էր «Ոսկե գլոբուս» և էլի մի շարք հեղինակավոր մրցանակներ: Այժմ «Հռոմի» ճանապարհը ուղղակի բաց է ամերիկյան կինոակադեմիայի գլխավոր մրցանակի՝ «Օսկարի» առջև, որտեղ որպես հաղթողի թեկնածու այն ներկայացված է 10 անվանակարգերում: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Ամերիկյան կինոռեժիսորների մրցանակն ընդունելով և երախտիքի խոսքեր ասելով, Քուարոնը չի մոռացել իր հեռակա շնորհակալությունն ուղարկել նաև իրեն դաստիարակած և մեծացրած դայակին, իր մորը, իր ընտանիքին և իր քրոջը: «Նրանք բոլորը «Հռոմ» կինոնկարի իսկական հեղինակներն են»,- հայտարարել է ռեժիսորը:
Սև-սպիտակ նկարահանված «Հռոմ» կինոժապավենը գրեթե ինքնակենսագրական է: Գործողությունները կատարվում են Մեխիկոյում՝ 20-րդ դարի 70-ական թվականներին:: Գլխավոր հերոսուհին դայակ է հարուստ մի ընտանիքում: Ալֆոնսո Քուարոնը այս ֆիլմով փորձել է վերականգնել իր մանկության տարիների մթնոլորտը՝ երկրում տեղի ունեցող դրամատիկական իրադարձությունների ֆոնին:
Ամերիկյան կինոռեժիսորների ընկերակցության մրցանակը վերջին լուրջ պարգևներից է «Օսկարի» մրցանակաբաշխությունից առաջ: Մեծամասամբ այս մրցանակին արժանացող ֆիլմերն էլ ստանում են Ամերիկյան կինոակադեմիայի գլխավոր կամ լավագույն ռեժիսուրայի անվանակարգում նախատեսված ոսկեգույն պարգևը:
Այս թեմայով այլ հղումներ-1
Կինոռեժիսոր Ալֆոնսո Քուարոնի «Հռոմ» ֆիլմը արժանացել է Ամերիկյան կինոռեժիսորների ընկերակցության գլխավոր մրցանակին: Մինչ այդ, այս կինոնկարն արդեն նվաճել էր «Ոսկե գլոբուս» և էլի մի շարք հեղինակավոր մրցանակներ: Այժմ «Հռոմի» ճանապարհը ուղղակի բաց է ամերիկյան կինոակադեմիայի գլխավոր մրցանակի՝ «Օսկարի» առջև, որտեղ որպես հաղթողի թեկնածու այն ներկայացված է 10 անվանակարգերում: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Ամերիկյան կինոռեժիսորների մրցանակն ընդունելով և երախտիքի խոսքեր ասելով, Քուարոնը չի մոռացել իր հեռակա շնորհակալությունն ուղարկել նաև իրեն դաստիարակած և մեծացրած դայակին, իր մորը, իր ընտանիքին և իր քրոջը: «Նրանք բոլորը «Հռոմ» կինոնկարի իսկական հեղինակներն են»,- հայտարարել է ռեժիսորը:
Սև-սպիտակ նկարահանված «Հռոմ» կինոժապավենը գրեթե ինքնակենսագրական է: Գործողությունները կատարվում են Մեխիկոյում՝ 20-րդ դարի 70-ական թվականներին:: Գլխավոր հերոսուհին դայակ է հարուստ մի ընտանիքում: Ալֆոնսո Քուարոնը այս ֆիլմով փորձել է վերականգնել իր մանկության տարիների մթնոլորտը՝ երկրում տեղի ունեցող դրամատիկական իրադարձությունների ֆոնին:
Ամերիկյան կինոռեժիսորների ընկերակցության մրցանակը վերջին լուրջ պարգևներից է «Օսկարի» մրցանակաբաշխությունից առաջ: Մեծամասամբ այս մրցանակին արժանացող ֆիլմերն էլ ստանում են Ամերիկյան կինոակադեմիայի գլխավոր կամ լավագույն ռեժիսուրայի անվանակարգում նախատեսված ոսկեգույն պարգևը:
Այս թեմայով այլ հղումներ-1