Գերմանական «մոգական ռեալիզմի» լուսանկարիչը09.04.2019
Գերմանիայի Մյունխեն քաղաքի մոդերնիզմի պահոցը այս օրերին արվեստասերների ուշադրությանն է ներկայացրել 20-րդ դարասկզբի հայտնի լուսանկարիչ Էննե Բիրմանի (1898–1933թթ.) 100 աշխատանքները: Այդ մասին տեղեկացնում է «taglur.am»-ը՝ հղում անելով «theartnewspaper.ru»-ին:
«Նոր առարկայականություն» ուղղության այս ակնառու ներկայացուցիչը սովորում էր դաշնակահարուհի մասնագիտություն, իսկ լուսանկարչությամբ, որպես սիրող, սկսել է զբաղվել 1920-ական թվականների կեսերից: Լուսանկարում էր իր երեխաներին, իրեն շրջապատող առարկայական աշխարհը, բնանկարներ: Սակայն, հենց այդ շատ կամերային, «իր համար» արված լուսանկարները նրան հաջողություն բերեցին կյանքի օրոք:
1920-1930-ական թվականներին Գերմանիայում չի եղել մեկ մեծ ցուցահանդես, որտեղ չներկայացվեին նրա աշխատանքները: Իսկ 1930թ.-ին կայացավ նրա լուսանկարների առաջին անհատական ցուցահանդեսը:
Թե ինչպես դասավորվեց Բիրմանի հետագա ճակատագիրը, եթե հաշվի առնվի նրա հրեական ծագումը, անհայտ է: Նա վախճանվել է 35 տարեկան հասակում, նացիստների իշխանության գալուց ոչ շատ անցած: Նրա ավելի քան երեքհազար լուսանկարչական աշխատանքների մեծ մասը պատերազմի և տարագրության տարիներին ոչնչացել է: Սակայն այն, ինչը պահպանվել է, տալիս է բոլոր հիմքերը Բիրմանին դասել 20-րդ դարի և «Նոր առարկայականություն» ուղղության (գերմանական վարկածով 1920-30-ականների մոգական ռեալիզմի) ակնառու լուսանկարիչներից մեկը, որն իր տեղն ունի Մաքս Բեքմանի, Գեորգ Գրոսսի կողքին:
Այս ցուցահանդեսում ներկայացված 100 աշխատանքները Անն և Յուրգեն Վիլդեների հավաքածոյից են: Դա Բիրմանի աշխատանքների ամենախոշոր պահոցն է: Կան նաև առանձին վայրերում կամ մասնավոր հավաքածոներում պահպանվող մի քանի այլ աշխատանքներ նույնպես:
Ցուցահանդեսը կգործի մինչև հոկտեմբերի 13-ը:
Լուսանկարն՝ ըստ հղման աղբյուրի:
«Նոր առարկայականություն» ուղղության այս ակնառու ներկայացուցիչը սովորում էր դաշնակահարուհի մասնագիտություն, իսկ լուսանկարչությամբ, որպես սիրող, սկսել է զբաղվել 1920-ական թվականների կեսերից: Լուսանկարում էր իր երեխաներին, իրեն շրջապատող առարկայական աշխարհը, բնանկարներ: Սակայն, հենց այդ շատ կամերային, «իր համար» արված լուսանկարները նրան հաջողություն բերեցին կյանքի օրոք:
1920-1930-ական թվականներին Գերմանիայում չի եղել մեկ մեծ ցուցահանդես, որտեղ չներկայացվեին նրա աշխատանքները: Իսկ 1930թ.-ին կայացավ նրա լուսանկարների առաջին անհատական ցուցահանդեսը:
Թե ինչպես դասավորվեց Բիրմանի հետագա ճակատագիրը, եթե հաշվի առնվի նրա հրեական ծագումը, անհայտ է: Նա վախճանվել է 35 տարեկան հասակում, նացիստների իշխանության գալուց ոչ շատ անցած: Նրա ավելի քան երեքհազար լուսանկարչական աշխատանքների մեծ մասը պատերազմի և տարագրության տարիներին ոչնչացել է: Սակայն այն, ինչը պահպանվել է, տալիս է բոլոր հիմքերը Բիրմանին դասել 20-րդ դարի և «Նոր առարկայականություն» ուղղության (գերմանական վարկածով 1920-30-ականների մոգական ռեալիզմի) ակնառու լուսանկարիչներից մեկը, որն իր տեղն ունի Մաքս Բեքմանի, Գեորգ Գրոսսի կողքին:
Այս ցուցահանդեսում ներկայացված 100 աշխատանքները Անն և Յուրգեն Վիլդեների հավաքածոյից են: Դա Բիրմանի աշխատանքների ամենախոշոր պահոցն է: Կան նաև առանձին վայրերում կամ մասնավոր հավաքածոներում պահպանվող մի քանի այլ աշխատանքներ նույնպես:
Ցուցահանդեսը կգործի մինչև հոկտեմբերի 13-ը:
Լուսանկարն՝ ըստ հղման աղբյուրի: