Կոնստանտին Օրբելյանը հուղարկավորվեց հայոց մեծերի կողքին05.12.2014
Մայիսի 11-ին հայկական էստրադային երաժշտության երկրպագուները և արվեստասեր հասարակությունը վերջին հրաժեշտը տվեցին կոմպոզիտոր Կոնստանտին Օրբելյանին: Սգո արարողությունը կայացավ «Արամ Խաչատրյան» համերգասրահում:
Կոմպոզիտորին վերջին հրաժեշտի արարողությանը մասնակցեցին նաև ՀՀ առաջին տիկին Ռիտա Սարգսյանը, ՀՀ վարչապետ Հովիկ Աբրահամյանը, ԱԺ նախագահ Գալուստ Սահակյանը, մշակույթի նախարար Հասմիկ Պողոսյանը և այլ պաշտոնատար անձինք:
Հանգուցյալի հարազատներին ցավակցական ուղերձ էր հղել ՀՀ նախագահ Սերժ Սարգսյանը: «Մեծ է մաեստրո Օրբելյանի ավանդը հայ ժամանակակից երաժշտարվեստի զարգացման և տարածման գործում: Նա երեսունվեց տարի ղեկավարել է Հայաստանի պետական էստրադային նվագախումբը՝ նոր որակ և ավյուն հաղորդելով երաժշտախմբին: Նրա երգերը մշտապես սիրված են եղել ունկնդրի կողմից և իրավամբ դարձել ժողովրդի սեփականությունը»,- ասել է նախագահը իր ուղերձում, որը սգո հանդիսության մասնակիցներին ներկայացրեց Հայաստանի կոմպոզիտորների միության նախագահ Արամ Սաթյանը:
86 տարեկան հասակում վախճանված մեծանուն կոմպոզիտորին հավաքվածները վերջին հրաժեշտը տվեցին ծափողջյուններով:
Կոնստանտին Օրբելյանի մարմինը հուղարկավորվեց Կոմիտասի անվան զբոսայգու պանթեոնում:
Կոմպոզիտորին վերջին հրաժեշտի արարողությանը մասնակցեցին նաև ՀՀ առաջին տիկին Ռիտա Սարգսյանը, ՀՀ վարչապետ Հովիկ Աբրահամյանը, ԱԺ նախագահ Գալուստ Սահակյանը, մշակույթի նախարար Հասմիկ Պողոսյանը և այլ պաշտոնատար անձինք:
Հանգուցյալի հարազատներին ցավակցական ուղերձ էր հղել ՀՀ նախագահ Սերժ Սարգսյանը: «Մեծ է մաեստրո Օրբելյանի ավանդը հայ ժամանակակից երաժշտարվեստի զարգացման և տարածման գործում: Նա երեսունվեց տարի ղեկավարել է Հայաստանի պետական էստրադային նվագախումբը՝ նոր որակ և ավյուն հաղորդելով երաժշտախմբին: Նրա երգերը մշտապես սիրված են եղել ունկնդրի կողմից և իրավամբ դարձել ժողովրդի սեփականությունը»,- ասել է նախագահը իր ուղերձում, որը սգո հանդիսության մասնակիցներին ներկայացրեց Հայաստանի կոմպոզիտորների միության նախագահ Արամ Սաթյանը:
86 տարեկան հասակում վախճանված մեծանուն կոմպոզիտորին հավաքվածները վերջին հրաժեշտը տվեցին ծափողջյուններով:
Կոնստանտին Օրբելյանի մարմինը հուղարկավորվեց Կոմիտասի անվան զբոսայգու պանթեոնում: