Քաղաքակրթական ներուժը կեցության բարձրագույն արժեք է:

Սկանդալային դերասանուհու դեբյուտը կկայանա Լոնդոնի թատրոնում

06.28.2014

Իր սկանդալային արարքներով հայտնի, թատրոնի և կինոյի ամերիկացի դերասանուհի Լինդսի Լոհանը հանդես կգա Լոնդոնի «Playhouse» թատրոնում՝ ըստ Դեյվիդ Մամեթի պիեսի ռեժիսոր Լինդսեյ Փոզների բեմադրած «Մի կողմ քաշվիր» ներկայացման մեջ: Այդ մասին «theguardian.com»-ի տեղեկատվությունը փոխանցում է «taglur.am»-ը:

Նշենք, որ այն կերպարը, որը մարմնավորելու է Լոհանը, մինչ այդ խաղացել են Ալիսիա Սիլվերսթունը և Մադոննան: Իսկ պիեսը երկիծական ժանրով ներկայացնում է ամերիկյան կինոարդյունաբերությունը:

Լինդսին հանրաճանաչ է դարձել «Խախտված ուրբաթ», «Գարշելի աղջիկներ» և «Խելակորույս մրցումներ» ֆիլմերում խաղացած իր կերպարներով: Նա նաև 11 տարի խաղացել է «Թակարդ ծնողների համար» կատակերգությունում:

«Խելակորույս մրցումներ» ֆիլմի նկարահանումների ժամանակ Լոհանը հասցրել է թողարկել իր մենակատարումների ալբոմը՝ «Speak» վերնագրով: Իսկ նրա երկրորդ ալբոմը՝ «A Little More Personal (Raw)» վերնագրով, թողարկվել է 2005թ.-ին:

Լիդսիի ստեղծագործական կարիերան անսպասելի ընդհատվել է 2007 թ.-ին՝ երկու ճանապարհատրանսպորտային պատահարների պատճառով: Նա նույնիսկ օգտվել է վերականգնողական բժշկական ծառայություններից:

Գործունեությունը վերսկսել է մեկ տարի անց՝ 2008թ.-ին, երբ, որպես հրավիրյալ աստղ սկսեց հանդես գալ «Հիմարիկը» հեռուստասերիալում և 2009 թ.-ին նկարահանվեց «Մաչետե» ֆիլմում:
2007թ.-ին Լինդսի Լոհանը «Maxim» հանդեսի կողմից ճանաչվեց աշխարհի ամենացանկալի և սեքսուալ կինը:

Լրատվամիջոցները հաճախ են քննարկում նաև նրա թմրամիջոցներից և ալկոհոլից կախվածությունը:

2010թ.-ի մայիսին Լոս-Անջելոսի դատարանը դերասանուհուն պարտավորեցրեց պարբերաբար անցնել արյան ստուգումներ և կրել հատուկ «հակաալկոհոլային» բազկակալ: Իսկ 2011թ.-ին, թանկարժեք զարդ գողանալու մեղադրանքով՝ դերասանուհին ենթարկվեց պայմանական ազատազրկման, որի ժամկետը նա պետք է լրացներ հանրօգուտ աշխատանքներով: Սկանդալային դերասանուհու վերջին ոդիսականը արձանագրվել է 2013թ.-ին: Այդ ժամանակ էլ Լոս-Անջելոսի դատարանը նրան դատապարտեց փակ ուղղիչ հաստատությունում վերկանգնողական կուրս անցնելու և անվտանգ երթևեկության գծով 30 օր հասարակական աշխատանքներ կատարելու:
    Դիտվել է 491 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ