Քաղաքակրթական ներուժը կեցության բարձրագույն արժեք է:

Բացի Դմիտրի Խվորոստովսկու համերգից, բոլոր մյուս մշակութային միջոցառումները հետաձգվել են

07.16.2014

Մոսկվայում հուլիսի 16-ը սգո օր հայտարարելու կապակցությամբ արմատական փոփոխություններ են մտցվել այդ օրը նախատեսված բոլոր ժամանցավայրերի ծրագրերում: Բացառություն է կազմում միայն «Նոր օպերա» երաժշտական թատրոնում երգիչ Դմիտրի Խվորոստովսկու համերգը, որը տեղի կունենա պլանավորված տեղում, պլանավորված ժամին: Այդ մասին երգչի մամլո ծառայության տեղեկատվությունը փոխանցում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Թատրոնում ասել են, որ Խվորոստովսկու համերգի երգացանկը չունի ժամանցային բնույթ և, մասնավորապես, կոմպոզիցիաների գրեթե կեսը նվիրված են Երկրորդ համաշխարհային պատերազմին:

Նշենք, որ Մոսկվայի որևէ համերգասրահում հուլիսի 16-ին պլանավորված չեն եղել համաշխարհային մեծության էստրադային կամ դասական երաժշտության արտիստների ելույթներ: Բացառություն է կազմում միայն «Crocus City Hall» դահլիճում իր ծննդյան օրվա առթիվ Գրիգորի Լեպսի նախատեսված բարեգործական համերգը, որը սգի կապակցությամբ տեղափոխվել է հաջորդ օր, հուլիսի 17-ին:

Սգո օրվա կապակցությամբ իրենց ծրագրերում փոփոխություններ են կատարել նաև Մոսկվայում գործող քաղաքային և դաշնային նշանակության հեռուստակայանները:

Որոշ հեռուստաընկերություններ արդեն հայտարարել են իրենց հաղորդացանցի փոփոխության մասին: Օրինակ «ՏՎ Ցենտր» (« ՏՎ Կենտրոն») հեռուստաալիքը սգո օրվա կապակցությամբ մինչև Ուրալ հեռարձակվող հաղորդացանցից կհանի գովազդները, «ՌԵՆ ՏՎ» հեռուստատեսությունը ցանցից հանել է բոլոր զվարճալի հաղորդումները և փոփոխություններ է կատարել գովազդային բլոկներում, Ռուսաստանի հանրային հեռուստատեսությունում (ՕՌՏ)-ում հայտարարել են, որ անհրաժեշտության դեպքում ուղղումներ կմտցնեն հաղորդացանցում:

Մոսկվայի հասարակական վայրերում և ռեստորաններում նույնպես բոլոր ժամանցային միջոցառումները հետաձգվել են: Իսկ քաղաքի բոլոր եկեղեցիներում այդ օրը կաղոթեն զոհվածների հոգու փրկության և վիրավորների շուտ ապաքինման համար:

Հուլիսի 15- առավոտյան ժամը 8:35 սահմաններում Մոսկվայի մետրոյի «Պարկ Պոբեդի» («Հաղթանակի զբոսայգի») և «Սլավյանսկի բուլվար» («Սլավոնական ճեմուղի») երկնագույն ճյուղավորման վրա տեղի է ունեցել խոշոր վթար, որի հետևանքով, ըստ «ԻՏԱՐ-ՏԱՍՍ»-ի զոհվել է 22 և վիրավորվել 129 մարդ:
    Դիտվել է 420 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406