Քաղաքակրթական ներուժը կեցության բարձրագույն արժեք է:

Նույն վարվեցողության կանոնը Հայաստանի և Բրիտանիայի թատրոններում

07.18.2014


Լոնդոնի «Ջերմին-սթրիթ» թատրոնը պատրաստվում է պաշտոնապես արգելել բջջային հեռախոսների օգտագործումը ներկայացման ժամանակ: Այդ մասին «thetimes.co.uk»-ի տեղեկատվությունը փոխանցում է «taglur.am»-ը:

Այդպիսի որոշման շարժառիթ է ծառայել «Անբարոյական գործողությունների համար ձերբակալվելուց հետո տրված ցուցմունքներ» («Statements After an Arrest Under the Immorality Act») ներկայացման ժամանակ թատրոնում օրերս տեղ գտած միջադեպը:

Դերասան Դևիդ Ջաջը կասկածել է, որ հանդիսատեսներից մեկը հեռախոսով նկարահանում է իրեն այն պահին, երբ բեմական իրավիճակից ելնելով ինքը հայտնվում է մերկացած վիճակում: Նա նույնիսկ ընդհատել է իր խաղը և ուղղակի բեմից դիմել է իրեն նկարահանող տղամարդուն, ում հեռախոսը ներկայացման ընթացքում երկար ժամանակ միացված վիճակում էր:

Սակայն, երբ թատրոնի աշխատակիցները ստուգել են այդ մարդու հեռախոսը, դրա մեջ համապատասխան տեսագրություն կամ լուսանկար չեն հայտնաբերել: Իսկ հանդիսատեսը պարզապես հայտարարել է, որ ինքն ընդամենը իր հիվանդ որդուն հաղորդագրություններ գրելիս է եղել: Ասենք, որ, հետո պարզվել է, որ այդ հանդիսատեսի հեռախոսը ներկայացման ընթացքում միայն 15 րոպե է միացված վիճակում եղել:

Ինչևէ: Բայց եթե այս դեպքից հետո «Ջերմին-սթրիթ» թատրոնում արգելվի բջջային հեռախոսների օգտագործումը, ապա այն կդառնա առաջին բրիտանական թատրոնը, որը պաշտոնապես կարգելի հանդիատեսների կողմից կապի այդ միջոցների կիրառումը ներկայացման ժամանակ:

Այս պահին, ինչպես Հայաստանում, այնպես էլ Բրիտանիայում գործում է նույն սկզբունքը՝ բջջային հեռախոսի անջատումը դիտարկվում է հանդիսատեսի կողմից քաղաքակիրթ վարվեցողության դրսևորում:
    Դիտվել է 458 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ