Քաղաքակրթական ներուժը կեցության բարձրագույն արժեք է:

Խազանովը կատարել է մահացող ընկերոջ կամքը

08.24.2014

Նոր ֆիլմը և բնօրինակը կարող են գոյակցել մեկը մյուսից անկախ, վերջերս տված իր հարցազրույցներից մեկում ասել Ռուսաստանի ժողովրդական արտիստ Գենադի Խազանովը` մեծ էկրան բարձրացած «Կովկասի գերուհին» լեգենդար կինոնկարի վերանկարահանման կապակցությամբ:

Oգոստոսի 21-ին Ռուսաստանի կինովարձույթ դուրս եկավ Մաքսիմ Վորոնկովի նկարահանած «Կովկասի գերուհին» կինոնկարը, որը 1960-ականներին ռեժիսոր Լեոնիդ Գայդայի նույնանուն խորհրդային դասական կինոժապավենի վերախաղարկում է:

Նոր ֆիլմում հարավային գավառային քաղաքի գլխավոր դեմքի՝ քաղաքապետ Սաախովի դերը կատարում է հայտնի կատակերգակ , Ռուսաստանի ժողովրդական արտիստ Գենադի Խազանովը, ով էլ «Իզվեստիա» պարբերականի հետ կիսվել է այդ կինոնկարի բնօրինակի ու վերանկարահանված տարբերակի մասին:

Խազանովը նշել է, որ ինքը երբեք չի եղել վերանկարահանումների երկրպագու: Սակայն այս ֆիլմի պարագայում իրավիճակն այնպես է դասավորվել, որ ինքը, փաստորեն, խախտել է իր այդ սկզբունքը:

Բանն այն է, որ ֆիլմում այդ դերի համար ընտրված է եղել հայտնի մեկ այլ կատակերգակ՝ Իլյա Օլեյնիկովը: Վերջինս, սակայն, չի կարողացել նկարահանվել, քանի որ ծանր հիվանդացել է և մահից առաջ խնդրել է ընկերոջը՝ Խազանովին, նկարահանվել իր փոխարեն: Վերջինս, բնականաբար չի կարողացել մերժել իր մահացող ընկերոջը:
    Դիտվել է 416 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174