Քաղաքակրթական ներուժը կեցության բարձրագույն արժեք է:

«Բարի գիշեր երեխաներ»-ի նոր կերպարի հեղինակը ՌԴ նախագահն է

08.29.2014

Ռուսաստանում «Բարի գիշեր երեխաներ» հայտնի հեռուսատատեսային հաղորդման համար ստեղծվել է նոր հերոս, որը կապույտ էկրանին կհայտնվի հոկտեմբերին: Այդպիսի հերոս ստեղծելու գաղափարը առաջարկել է ՌԴ նախագահ Վ. Պուտինը: Այդ մասին մանկական հաղորդումը հեռարձակող «Կլաս» հեռուստաընկերության տնօրենների խորհրդի նախագահ Ալեքսանդր Միտրոշենկովի տեղեկատվությունը փոխանցում է «taglur.am»-ը՝ հղում անելով «РИА Новости»-ին:

«Մենք վաղուց ենք սկսել նոր տիկնիկային կերպարի որոնման աշխատանքերը: Ընտրել ու վերընտրել ենք բազմաթիվ տարբերակներ, սակայն, կխոստովանեմ ազնվորեն, նոր հերոսի գաղափարը մեզ հուշել է երկրի նախագահը»,- նշել է Միտրոշենկովը: Նրա ասելով այդ գաղափարը շատ անսպասելի է եղել, սակայն քննարկումներից հետո հասկացել են, որ դա, ուղղակի, թիրախի ամենաբարձր միավորի խոցում է:

Միտրոշենկովը նաև նշել է, որ եթե բոլոր մյուս հերոսները տիկնիկներ են, ապա նորը պետք է լինի գերժամանակակից, 3D ՝ իսկական համակարգչային հերոս: «Նա պետք է ժպտա, ողջյունելիս սեղմի դիմացինի ձեռքը, խոսի: Սա յուրահատուկ նախագիծ է՝ մեկ կադրում տիկնիկային անիմացիայի հերոսներին և հաղորդավարին միավորելու ճանապարհով:

Հեռուստաընկերության ղեկավարը նշել է, որ «երկու շաբաթ հետո բոլորը կիմանան, թե ինչ է իրենից ներկայացնում նոր հերոսը և թե ինչ կապ ունի այս պատմության հետ Ռուսաստանի նախագահը:

«Բարի գիշեր երեխաներ» հայտնի հեռուսատատեսային հաղորդումն առաջին անգամ հեռարձակվել է 50 տարի առաջ՝ 1964 թ.-ին: Առաջին սցենարները գրվել են 1963թ.-ին: Հենց այդ ժամանակ էլ հայտնվել են դեկորացիաների և տիկնիկների առաջին էսքիզները, մշակվել կոնցեպցիաները:
    Դիտվել է 906 անգամ