Քաղաքակրթական ներուժը կեցության բարձրագույն արժեք է:

Ըստ Գ. Մանուկյանի թատրոնը կարող է ժամանակակիցներին ,, ճիշտ ,,գծերի,, վրա գցել,,

09.09.2014

Հ.Ղափլանյանի անվան Դրամատիկական թատրոնի հիմնադիրներից մեկը, ռադիո և հեռուստաներկայացումներում երկու տասնյակից ավել դերեր կերտած, բազում ֆիլմերում, այժմ, արդեն, նաև սերիալներում հանդես եկած դերասան Գուժ Մանուկյանը կարծում է, որ իր լավագույն դերը դեռ առջևում է: Այդ մասին ,, panorama.am,,-ի տեղեկատվությունը փոխանցում է ,,taglur.am,,-ը:

Իսկ անդրադառնալով անցյալում գրանցված ձերքբերումներին, դերասանն էլեկտրոնային լրատվամիջոցին տված հարցազրույցում նշում է, որ այդ ստեղծագործությունների պահպանման և վերկանգնման հարցով պետք է ի հայտ գան սրտացավ և նախանձախնդիր մարդիկ:

ԱրտիստՆ, օրինակ, բարձրացնում է խորհրդային տարիներին հայկական հեռուստատեսությամբ բեմադրված և տեսագրված թատերական ներկայացումների թվայնացման և պահպանման հարցը:

Նա հիշում է, որ այդ բեմադրությունները կապույտ էկրաններին ցուցադրվում էին հիմնականում շաբաթվա առաջին օրը: ,, Ժամանակին բոլորը սպասում էին երանելի երկուշաբթիներին, որպեսզի դիտեն հերթական ներկայացումը: Սպասում էին անգամ այն մարդիկ, ովքեր, ըստ էության, կապ չունեին թատրոնի հետ:...,, , նշել է արտիստը և սրտի ցավով ավելացրել, որ իր սերնդի քրտինքով ստեղծված գործերը հիմա չկան և հարց է տալիս. ,,Գալիք սերունդն ի՞նչ պետք է իմանա դրանց մասին, եթե այդ գործերը վերականգնելու համար չհայտնվեն սրտացավ մարդիկ,,:

Միաժամանակ, դիմելով, արդեն ավելի քան 50 տարի, իր դերասանական արվեստին հետևող հավատարիմ հանդիսատեսներին, Հայաստանի ժողովրդական արտիստը հորդորում է չկտրվել թատրոնից:

,,Ասում են, թե թատրոնը մեռնում է. չկա նման բան: Այն, ինչ տալիս է թատրոնը, չի կարող տալ ոչ մի կինոնկար: Մանավանդ հիմա, երբ ամեն մարդ իր պատյանի մեջ է մտել,, ,- ասել է Գուժ Մանուկյանը և նշել, որ հենց միայն թատրոնը կկարողանա այսօր կողքինների նկատմամբ անտարբեր դարձած ժամանակակիցներին ,, ճիշտ ,,գծերի,, վրա գցել,,:
    Դիտվել է 490 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335>>հաջորդ