Քաղաքակրթական ներուժը կեցության բարձրագույն արժեք է:

Եկատերինբուրգում հայ կոմպոզիտորի անունով փողոց կանվանակոչվի

09.10.2014


Ռուսաստանի Եկատերինբուրգ քաղաքում հավանական է, որ փողոց անվանակոչվի հայ կոմպոզիտոր Ավետ Տերտերյանի անունով: Այդ մասին հայտարարել Ուրալում 2015 թ.-ի սեպտեմբերի 11-18-ին կայանալիք Ռուսաստանի 3-րդ սիմֆոնիկ հավաքի շրջանակներում նախատեսված ,,Ավետ Տերտերյանի ժամանակը,, հատուկ նախագծի համակարգող Լև Շուլմանը:

Նա ասել է, որ իրենք հանդես են եկել այդ քաղաքում կես տարուց ավելի ապրած Ավետ Տերտերյանի տուն թանգարանը բացելու և տան պատին համապատասխան հուշաքար դնելու նախաձեռնությամբ: Այդ մասին ,,ԻՏԱՐ-ՏԱՍՍ,,-ի տեղեկատվությունը փոխանցում է ,,taglur.am,,-ը:

Շուլմանը նաև տեղեկացրել է, որ թանգարանի կոնցեպցիան այժմ Ուրալի գեղարվեստաճարտարապետական ակադեմիայի պրոֆեսոր Լեոնիդ Սալմինի ղեկավարությամբ մշակում են ուսանողները: Նա նաև տեղեկացրել է, որ ամենայն հավանականությամբ հայ կոպոզիտորի անունը կկրի Եկատերինբուրգի ,,Ակադեմիական,, միկրոշրջանում այժմ կառուցվող փողոցներից մեկը:

Իսկ Ռուսաստանի 3-րդ սիմֆոնիկ հավաքի ժամանակ ,,Ավետ Տերտերյանի ժամանակը,, հատուկ ծրագրի շրջանակներում Սվերդլովսկի ֆիլհարմոնիայում Յարոսլավլի ակադեմիական նահանգապետական սիմֆոնիկ նվագախմբի կատարմամբ կհնչի Ավետ Տերտերյանի ռուս մեծ դիրիժոր Գենադի Ռոժդեստվենկուն նվիրված 5-րդ սիմֆոնիան: Նույն մջոցառման շրջանակներում, այս անգամ արդեն Ուրալի ակադեմիական ֆիլհարմոնիկ նվագախմբի կատարմամբ, կհնչեցվի նաև հայ կոմպոզիտորի 3-րդ սիմֆոնիան:

Բացի այդ, միջոցառման ընթացքում նախատեսված է նաև ֆիլմերի ցուցադրություն, որոնց երաժշտության հեղինակը Տերտերյանն է, ինչպես նաև կոմպոզիտորի ստեղծագործական ժառանգությանը նվիրված ցուցահանդեսների կազմակերպում, կլոր սեղանների անցկացում:

ԽՍՀՄ ժողովրդական արտիստ Ավետ Տերտերյանը (1929-1994թթ.) հայ-խորհրդային կոմպոզիտոր և մանկավարժ է: Նա 8 սիմֆոնիաների, երկու օպերաների (,,Կրակե օղակ,, , և ,,Երկրաշարժ,,) , ,, Ռիչարդ 3-րդի մենախոսությունները,, բալետի, կամերային-գործիքային և սիմֆոնիկ ստեղծագործությունների հեղինակ է: Նա երաժշտություն է գրել նաև վավերագրական և գեղարվեստական կինոնկարների համար: 1992-1993 թթ.-երին Ուրալի կոնսերվատորիայում վարում էր ,,վարպետաց դասեր,,:

Ավետ Տերտերյանը վախճանվել է Եկատերինբուրգում, հուղարկավորված է Երևանում:
    Դիտվել է 513 անգամ
    1234567891011121314151617181920212223242526272829303132333435363738394041424344454647484950515253545556575859606162636465666768697071727374757677