Քաղաքակրթական ներուժը կեցության բարձրագույն արժեք է:

Կյանքից հեռացել է խորհրդային էստրադայի էստոնացի աստղը

09.26.2014


Կյանքի 65-րդ տարում մահացել է Խորհրդային Միությունում հայտնի էստոնացի էստրադային երգիչ Յակ Յոալան:

Նա առողջական խնդիրներ ուներ սրտի հետ կապված և երկու անգամ սրտամկանի կաթված էր տարել:

Յակ Յոալան հայտնի դարձավ այն բանից հետո, երբ խորհրդային հեռուստատեսությամբ 1979 թ-ի ամանորի նախօրեին կայացավ «Հունիսի 31» երաժշտական ֆիլմի պրեմիերան: Այդ կինոնկարում երգիչը շատ վառ և յուրօրինակ ոճով կատարում է մի քանի երգ:

Յակ Յոալան կատարյալ տիրապետում էր մի քանի երաժտական գործիքների և սեփական երգերի ստուդիական ձայնագրությունների ժամանակ հաճախ էր կատարում դաշնամուրի, ֆլեյտայի, կիթառի կամ հարվածային գործիքների պարտիաները:

Էստրադայից հեռանալուց հետո նա Տալլինի երաժշտական ուսումնարանում կիթառի դասեր էր տալիս, իսկ 2000 թ.-ին դարձավ էստոնացի երաժիշտների հեղինակային իրավունքի պաշտպանության հարցերով զբաղվող միության համահիմնադիրներից մեկը:
    Դիտվել է 581 անգամ