Քաղաքակրթական ներուժը կեցության բարձրագույն արժեք է:

Կինեմատոգրաֆիայի ինստիտուտի հատուկ գնացքը հատել է Եվրոպա-Ասիա սահմանը

09.27.2014


Կինեմատոգրավիայի համառուսաստանյան պետական ինստիտուտը, որտեղ սովորել են նաև հայ կինեմատոգրաֆիայի բազմաթիվ ներկայացուցիչներ, իր 95-ամյա տարելիցի կապակցությամբ կազմակերպել է յուրահատուկ ուսանողական կինոարշավ՝ Ռուսաստանի ողջ տարածքով: Այդ մասին հաղորդում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Ուսանողական կինոարշավն իրականացվում է հատուկ հարդարված գնացքով, որը սեպտեմբերի 27-ին հատել Է Եվրոպա-Ասիա սահմանը և ժամանել Եկատերինբուրգ:

Ուսանողները, դասախոսները, կինոինստիտուտի տարբեր տարիների շրջանավարտները պլանավորել և նախապատրաստել են ստեղծագործական և գեղարվեստական ծրագիր, որը կներկայացնեն իրենց ուրալցի հանդիսատեսներին:

Արշավի մասնակից, Ռուսաստանի վաստակավոր արտիստուհի Նատալիա Արինբասարովայի ասելով ուսանողներն իրենց փորձերն անում են քաղաքից քաղաք տեղափոխվելու ժամանակ՝ գնացքում, որտեղ ստեղծված են բոլոր անհրաժեշտ պայմանները:

Վաղը՝ սեպտեմբերի 28-ին արվեստի ու կինոյի այս յուրահատուկ լաբորատորիա-գնացքը Եկատերինբուրգից կմեկնի Տյումեն:
    Դիտվել է 771 անգամ