Քաղաքակրթական ներուժը կեցության բարձրագույն արժեք է:

Պարելով 1,25 մլն եվրո՝ 3 շաբաթում

10.03.2014

Լիոնում ավարտվել է 16-րդ «Biennale de la danse» պարային ֆորումը, որը այս տարի հաջողված է համարվել, թե կոմերցիոն, թե գեղարվեստական և թե հանդիսատեսների ընդգրկվածության տեսանկյուններից: Այդ մասին «news.mail.ru»-ի տեղեկատվությունը փոխանցում է «taglur.am»-ը:

Երեք շաբաթ ընթացած միջոցառման ընթացքում հանդիսատեսներին են ներկայացվել 194 պարային տարբեր ներկայացումներ,որոնցից 25-ը եղել են պրեմիերաներ (17-ը՝ համաշխարհային, 8-ը՝ ֆրանսիական):

«Biennale de la danse»-ի վերջին երկու օրերը նվիրվել են ժանրի կենդանի լեգենդ Ուիլյամ Ֆորսայթին և Փարիզի օպերայի ապագա գեղարվեստական ղեկավար Բենժամին Միլպիեին:

Պարի այս յուրահատուկ փառատոնի գեղարվեստական ղեկավար Էրվե Դոմինիկը իրենց միջոցառման հաջողությունները հաստատող թվերի հրապարակման հարցում առավել քան շռայլ է եղել: Նրա ասելով, պարային ներկայացումներն ընդհանուր առմամբ դիտել է 100 հազար մարդ՝ չհաշված 5 հազար ինքնագործ կատարողների մասնակցությամբ ավանդական շքերթին ներկա գտնված 300 հազար պարող հանդիսականները: Դոմինիկը նաև նշել է, որ պարի փառատոնի ընթացքում տոմսերի վաճառքից հասույթը կազմել է 1,25 մլն եվրո:

    Դիտվել է 496 անգամ