Քաղաքակրթական ներուժը կեցության բարձրագույն արժեք է:

Ստրավինսկու երաժշտության ընկալումների պատմությունն ըստ Շեն Վեյի

10.06.2014


Մոսկվայում ընթացող «DanceInversion» միջազգային փառատոնի շրջանակներում իր «Ամերիկյան բալետի հինգ երեկոներ» նախագիծն է ներկայացրել ծագումով Չինաստանից, ամերիկյան խորեոգրաֆ Շեն Վեյը: Այդ մասին «tvkultura.ru»-ի տեղեկատվությունը փոխանցում է «taglur.am»-ը:

Նա այն քչերից մեկն է, ով պարարվեստում իրար է միացնում Արևելքը և Արևմուտքը և ում այդ նույն Արևելքը ընդունում է անվերապահորեն: Լինելով նկարչության և պարի մասնագետ, Շեն Վեյը հորինել է յուրահատուկ պլաստիկա, որով էլ տարբերվում է այլ խորեոգրաֆներից:

«Իմ մոտ շատ են տեսանելի կերպարները, այդ իսկ պատճառով շարժումները հիմնված են զգացմունքները փոխանցող առանձնահատուկ զգայականության և խորության վրա, որը առաջնային է պարի մեջ: Ես միշտ անդրադառնում եմ շատ անձնական կողմերի: Յուրաքանչյուր մարդ, ով տեսնում է իմ ներկայացումները, կարող է մտածել իր մտքում եղածի մասին»,- ասում է Շեն Վեյը:
Ամերիկան, որտեղ նա արդեն ապրում է 20 տարի, ընդունել է նրան ոչ միայն որպես մեծ խորեոգրաֆի: «The Washington Times»-ը նրան անվանել է «Մեր օրերի մեծագույն արվեստագետ»:

Նա Մոսկվայում կցուցադրի երկու ներկայացում՝ Ստրավինսկու «Սրբազան գարուն» և «Համադրություն» բալետային ներկայացումները:

Եթե վերջինս աչքի է ընկնում իր վերացարկված և կոնտրաստային համապատկերով ու կատարումներով, ապա, խոսելով Մոսկվացի հանդիսատեսներին ներկայացվող մյուս բեմադրության մասին, որը ստեղծվել է ըստ Ստրավինսկու «Սրբազան գարուն»- բալետի, Շեն Վեյը ասել է, որ դա «Ստրավինսկու երաժշության նկատմամբ» իր «վերաբերմունքն ու այն ընկալելու պատմությունն է»: Վարպետը փորձել է հասկանալ և արտահայտել այն ինչ կոմպոզիտորը զգացել է, այդ գործը գրելիս:

Շեն Վեյը իր ներկայացումների համար դերասաններին ընտրում է ոչ միայն հաշվի առնելով նրանց կատարողական վարպետությունը: Նա կարևորում է նաև աշխարհի առջև դերասանի անկեղծ ու բաց լինելու պատրաստակամությունը: Նրա համար պարը տիեզերքի հետ էներգիայի փոխանակման միջոց է և հավատում է, որ բեմի վրա կատարվող գործողությունները նույնպես տիեզերք են արարում:

Ավելացնենք, որ Շեն Վեյը նաև 2008թ.-ին Պեկինի Օլիպիական խաղերի բացման արարողության ռեժիսորն է:
    Դիտվել է 465 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347>>հաջորդ