Քաղաքակրթական ներուժը կեցության բարձրագույն արժեք է:

Հայֆեստը համահունչ է Բրիտանական խորհրդի խնդիրներին

10.07.2014

«Այն ինչ անում է «ՀայՖեստ»-ը, համահունչ է Բրիտանական խորհդի խնդիրներին: Այն ստեղծում է մի հարթակ որտեղ հնարավոր է մշակույթների երկխոսություն, համագործակցություն և որտեղ ծնվում են հրաշալի գաղափարներ»,- այսօր՝ հոկտեմբերի 7-ին «ՀայՖեստ»-ի շրջանակներում Պետական տիկնիկային թատրոնում կայացած մամլո ասուլիսում ասաց Բրիտանական խորհդի հայաստանյան մասնաճյուղի տնօրեն Արևիկ Սարիբեկյանը:

Նա տեղեկացրեց, որ այս տարի Բրիտանական խորհուրդը նշում է իր 80-ամյակը և այդ հոբելյանը պարտավորեցնում է իրենց օժանդակությամբ և աջակցությամբ իրականացվող մշակութային ծրագրերի հարցում ակնկալել առավել մեծ արդյունավետություն:

Արևիկ Սարիբեկյանը նաև նշեց, որ այս տարի, Փոքր թատրոնի հետ համատեղ, Բրիտանական խորհդի հայաստանյան մասնաճյուղը ներկայացնում է առաջին պրոֆեսիոնալ ներառական թատրոնի «Մի լքիր ինձ» ներկայացումը, որն « ուղերձ է ոչ միայն մշակութային առումով», այլ ուղերձ է ընդհանրապես՝ արվեստի մարդասիրական հնարավորությունների և կարողությունների տեսանկյունից:

Նա նաև ասաց, որ «Հայֆեստի» դերակատարությունը Հայաստանում իրենց կազմակերպությունը գնահատում է երկու կարևոր տեսանկյունից: Առաջին, որ փառատոնը «մեծ այցեքարտ է Հայաստանի համար» քանի որ սա արտաքին աշխարհին ցուցադրում է, որ այստեղ գնահատում են արվեստը և մշակույթը, որ այն սիրված և սպասված իրադարձություն է: Եվ երկրորդ փառատոնի կարճ, բայց բովանդակությամբ հարուստ շրջանակներում թատերասերը կարողանում է «ծանոթանալ բազմաթիվ ներկայացումների»:
    Դիտվել է 857 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ