Քաղաքակրթական ներուժը կեցության բարձրագույն արժեք է:

Ցարի և պարուհու սիրո պատմությունը և Սոչիի ձմեռային օլիմպիական խաղերը

10.15.2014

Սանկտ-Պետերբուրգցի կինոռեժիսոր Ալեքսեյ Ուչիտելը նախապատրաստվում է նկարահանանել ֆիլմ ռուսական ցար Նիկոլայ 2-րդի և ժամանակի կայսերական բալետի հայտնի պարուհի Մաթիլդա Քշեսինսկայայի սիրո պատմության վերաբերյալ: Այդ մասին մի շարք ռուսական լրատվամիջոցների տեղեկատվությունը փոխանցում է «taglur.am»-ը:

Ռեժիսորը նշել է, որ այդ պատմության նկարահանման համար պատրաստված դեկորացիաներից մեկը՝ Ուսպենսկի տաճարի կրկնօրինակն այնքան տպավորիչ է, որ արժանի է, որ վերածվի թանգարանի: Այն պատրաստվել և այժմ էլ գտնվում է Պետերբուրգի «Սեվերնայա» գործարանում: Նախատեսված է, որ տաճարին վերաբերող համապատասխան տեսարանները հենց գործարանային տարածքում էլ կնկարահանվեն:

Իսկ գլխավոր հերոսուհու դերակատարի մասին Ուչիտելը հայտնել է իր համոզմունքը, որ այն պետք է խաղա, անպատճառ, բալետի այնպիսի պարուհի, ով օժտված է հիանալի դրամատիկական ունակություններով: Նա նույնիսկ նշել է, որ Քշեսինսկայայի դերակատարը պետք է ունենա նույնպիսի որակներ, ինչպիսին, օրինակ, ուն 2014թ-ի փետրվարի 7-ին Սոչիի օլիմպիական խաղերի բացման արարողության ժամանակ խաղաղության աղավնու պարը կատարողը՝ պարուհի Դիանա Վիշնյովան: Իսկ թե ով վերջնականապես կհաստատվի այդ դերում, ռեժիսորն այժմ գաղտնի է պահում:

Մասնագիտական շրջանակներում կինոնկարի հետաքրքրական անակնկալներից մեկն էլ այն է, որ այստեղ կերպարներից մեկը կմարմնավորի Բեռլինի թատրոնի գեղարվեստական ղեկավար, աշխարհահռչակ ռեժիսոր Թոմաս Օսթերմայերը: Ի դեպ, Ուչիտելը նշում է, որ թատրոնի ռեժիսորը, պարզվում է, որ նաև հետաքրքիր կինոդերասան կարող է լինել:

Ավելացնենք, որ ֆիլմի համար գնվել է 17 տոննա գործվածքեղեն: Իսկ որպեսզի ոսկե իրերը հավաստի տեսք ունենան, բոլոր անհրաժեշտ նյութերի պատրաստումը պատվիրվել է Հնդկաստանում:
    Դիտվել է 381 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163