Քաղաքակրթական ներուժը կեցության բարձրագույն արժեք է:

Վախճանվել է ֆրանսիացի կինոդերասանուհի Մարի Դյուբուան

10.16.2014

Դերասանուհի Մարի Դյուբուան, ում համեմատաբար լավ գիտեն հատկապես 1960-70-ականների կինոհանդիսատեսները, 77 տարեկան հասակում մահացել է Ֆրանսիայի հարավ-արևմուտքում գտնվող Պո քաղաքի իր տանը:

Մահվան պատճառների մասին «Ֆրանս պրես» գործակալությունը չի տեղեկացնում, սակայն հայտնի է, որ կյանքի վերջին շրջանում դերասանուհին տառապել է սկլերոզից:

Իր դերասանական կարիերայի ընթացքում Մարի Դյուբուան արժանացել է երկու «Սեզար» մրցանակի, աշխատել է այնպիսի ճանաչված կինոռեժիսորների հետ ինչպիսիք են Ժան Լյուկ Գոդարը և Ֆրանսուա Թրյուֆոն:

Նա նկարահանվել է մի քանի տասնյակ հեռուստատեսային և մեծ էկրանի կինոնկարներում:

Նրա առավել հայտնի աշխատանքներից են, օրինակ, «Մեծ զբոսանք», «Գողը», «Սպառնալիք» ֆիլմերը:
    Դիտվել է 501 անգամ