Քաղաքակրթական ներուժը կեցության բարձրագույն արժեք է:

«Օդում» հայտնված «Տեատր. Դոկ» թատրոնի պաշտպանությամբ սկսվել է ստորագրահավաք

10.17.2014

Ավելի քան հազար ստորագրություն է հավաքվել ռուս դերասանուհի Օքսանա Միսինայի և ամերիկացի թատերական քննադատ Ջոն Ֆրիդմանի համացանցում հրապարակված բաց նամակի տակ՝ ի պաշտպանություն «Տեատր. Դոկ» ի, որը Մոսկվայի քաղաքային իշխանությունների որոշմամբ մնացել է առանց շենքի: Այդ մասին «colta.ru»-ի տեղեկատվությունը փոխանցում է «taglur.am»-ը:

Չորեքշաբթի, հոկտեմբերի 15-ին հայտնի դարձավ, որ Մոսկվայի քաղաքային ունեցվածքի բաժինը միակողմանիորեն չեղյալ է համարել Տրյոխպրուդնու նրբանցքում գտնվող բնակելի շենքի նկուղային հարկի «Տեատր. Դոկ» ի կողմից վարձակալելու պայմանագիրը: Այդ հաստատությունում նման քայլը հիմնավորել են այն իրողությամբ, որ այդ տարածքում թատրոնը անօրինական կերպով փոխել է կառույցի հատակագիծը: Բանն այն է, որ հրշեջ ծառայության պահանջով թատրոնը սրահի պատուհաններից մեկը վերափոխել է մուտքի դռան:

Օքսանա Միսինան իր բաց նամակում նշում է, որ ««Տեատր. Դոկ» ին պետք է օգնել, այն պետք է ընդարձակել, գուցե նույնիսկ արդեն ժամանակն է նրանց սեփական կինոստուդիա ստեղծելու հնարավորություն ընձեռել, բայց ոչ մի դեպքում չզրկել այն ամենից ինչ-որ այն արդեն ունի: Դա այնպիսի թատերական Մեքքայի համար, ինչպիսին Մոսկվան է, ոչ կառուցողական է, թե սթափ մտածողության և թե Ռուսաստանում թատերական գործունեության զարգացման տեսակետից»:

Ոչ լրիվ մեկ օրվա ընթացքում, ըստ «colta.ru»-ի, Միսինայի նամակի տակ արդեն հավաքվել է 800 ստորագրություն:

«Մենք, ներքոստորոգրյալներս, խորապես անհանգստացած ենք այն իրավիճակով, որը ձևավորվել է ««Տեատր. Դոկ» ի շուրջ: Մեզ հուզում է այն, ինչից կարող ենք զրկվել մենք և մոսկովյան թատրոնը, եթե ժամանակակից ռուսական դրամայի և թատրոնի զարգացման ուղիները ցուցադրող «Տեատր. Դոկ» ը ստիպված լինի հեռանալ Տրյոխպրուդնու նրբանցքում գտնվող նշանավոր նկուղից: «Դոկ»-ի դահլիճը շատ փոքր է, բայց այնտեղ տեղի են ունենում մեծագույն իրադարձություններ, որոնք իրենց ազդեցությունն են թողնում ողջ աշխարհի վրա»,- գրել է ամերիկացի թատերական քննադատ Ֆրիդմանը: Նա կոչ է անում պահպանել այդ թատրոնը՝ այն անվանելով «Ռուսական մշակույթի ամենամեծ գանձերից մեկը»:

Վերջինիս նամակի տակ ստորագրել են 24 երկիր ներկայացնող մարդիկ, որոնց մեջ են նաև հայտնի դրամտուրգ Մարկ Ռավենհիլլը (Լոնդոն), «New York Theater Workshop» թատրոնի գեղարվեստական ղեկավար Ջիմ Նիկոլան (Նյու-Յորք), «Arena Stage» թատրոնի գեղարվեստական ղեկավար Մոլլի Սմիթը (Վաշինգթոն) և այլք:
    Դիտվել է 446 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ