Քաղաքակրթական ներուժը կեցության բարձրագույն արժեք է:

Ուկրաինացիները ձեռք են բերում 20 մլն դոլարից սկսվող արժեքով բնակարաններ

10.18.2014


Ռուսաստանցի արտիստուհի Իրինա Մալիշևան, ով ԽՍՀՄ-ում հայտնի է դարձել 1975 թ.-ին նկարահանված «100 օր մանկությունից հետո» ֆիլմով, արդեն մոտ 15 տարի զբաղվում է Մերձմոսկվայի բնակավայրերի անշարժ գույքի առևտրով: Այդ մասին «realty.vesti.ru»-ի տեղեկատվությունը փոխանցում է «taglur.am»-ը:

Դերասանուհու ասելով այդ գործունեությունն օգնում է բավականաչափ վաստակել ապահով ապրելու համար, իսկ ստեղծագործական գործունեությունը իր համար վերածվել է հոբբի:

Անշարժ գույքի առևտրային միջնորդությամբ զբաղվելու հարցում նրան նախնական ուղղություն է ցույց տվել ծանոթուհիներից մեկը: Իսկ այժմ նրա գործերը ընթանում են բավականաչափ հաջող: Նա խոստովանում է, որ հաճախորդների հետ ընդհանուր համաձայնության գալու հարցում օգնում է նաև այն, որ նրանցից շատերը իրեն ճանաչում են որպես դերասանուհու:

Մալիշևան ասում է, որ Մոսկվայի անշարժ գույքի գործակալությունում աշխատում են շատ պատահական մարդիկ, ովքեր ոչ միայն անպարտաճանաչ են, այլև շատ անփույթ են վերաբերում գործին:

Դերասանուհին գտնում է,որ 2014 թ.-ին Մերձմոսկվայի անշարժ գույքի շուկայի առանձնահատկությունն այն է, որ ընթանում է «Ուկրաինայի դրոշի ներքո»:

Ըստ նրա, այդ երկրի քաղաքացիները տարավա ընթացքում գնել են ոչ միայն «էկոնոմ» տարբերակի բնակարաններ, այլև ձեռք են բերել ռեկորդային գին ունեցող անշարժ գույքի բնակելի օբյեկտներ, որոնց գինը սկսվում է 20 մլն դոլարից:
    Դիտվել է 852 անգամ