Քաղաքակրթական ներուժը կեցության բարձրագույն արժեք է:

Թատերական կրթօջախի լավագույն ավանդույթները կենդանի են և պահպանվում են

10.20.2014


Հոկտեմբերի 23-ին Մոսկվայում, Վախթանգովի թատրոնում կկայանա Շչուկինի անվան թատերական ինտիտուտի 100-ամյա հոբելյանին նվիրված հանդիսավոր երեկո, որին կմասնակցեն Շչուկինի ուսումնարանի տարբեր տարիներ շրջանավարտներ: Նրանցից շատերն այսօր մեծ վաստակի հասած թատերական և կինոգործիչներ են և վայելում են համաժողովրդական հարգանք ու սեր:

Շչուկինյան բեմարվեստի ավանդներով ձևավորված այդ հայտնիներից դահլիճում ներկա կլինեն Վլադիմիր Էտուշը, Յուլիա Բորիսովան, Վասիլի Լանովոյը, Ալեքսանդր Շիրվինդտը, Միխայիլ Բորիսովը, Պավել Լյուբիմցևը, Աննա Դուբրովսկայան, Ալեքսանդր Գորդոնը և ուրիշներ:

Այստեղ կլինեն նաև 1954, 1964, 1974, 1984, 1994, և 2004 թվականների շրջանավարտների շատ ներկայացուցիչներ, ում համար ընթացիկ տարին կրկնակի հոբելյանական է, քանի որ այս ուսումնական հաստատությանը հրաժեշտ տալու այդ տարեթվերի և 2014-ի տարբերությունը նույնպես ամբողջական և կլոր թիվ է:

Երեկոյին սպավում են նաև ՌԴ իշխանության մարմինների առաջին դեմքերը, այլ ոլորտների բազմաթիվ հայտնի ներկայացուցիչներ:

Այդ օրը Վախթանգովի անվան թատրոնը խոստանում է ոչ պարզապես Դպրոցի հերթական տարեդարձի տոնակատարություն:

Երեկոյի ծրագրում կներկայացվի արտիստների կրթության հիմնական փուլերը: Նույն բեմում միաժամանակ հանդես կգան կրթօջախի մանկավարժները և նրանց սաները, ովքեր կներկայացնեն դերասանների և ռեժիսորների ուսման «արմատական» եղանակները և կապացուցեն, որ լավագույն ավանդույթները կենդանի են և պահպանում են իրենց կենսունակությունը, չնայած Դպրոցի պատկառելի տարիքին:
    Դիտվել է 458 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340>>հաջորդ