Քաղաքակրթական ներուժը կեցության բարձրագույն արժեք է:

«Քլինգհոֆֆերի մահը», փախստականների ողբերգական ճակատագիրը և Մետրոպոլիտեն օպերան

10.20.2014


Նյու-Յորքի հարյուրավոր բնակիչներ մտադիր են բողոքի ցույց անցկացնել Մետրոպոլիտեն օպերայի մոտ, որտեղ հոկտեմբերի 20-ի երեկոյան պետք է ցուցադրվի ամերիկացի կոմպոզիտոր Ջոն Ադամսի «Քլինգհոֆֆերի մահը» օպերան: Այդ տեղեկատվությունը «taglur.am»-ի փոխանցմամբ հղորդում է «newsru.com»-ը՝ հղում անելով «ԻՏԱՐ-ՏԱՍՍ»-ին:

Օպերան անդրադառնում է շատ զգայուն քաղաքական թեմայի՝ պաղեստինա-իսրայելական հակամարտությանը: Շատ նյու-յորքցիներ համարում են, որ «Քլինգհոֆֆերի մահը» օպերան հակասեմիթական է և գտնում են, որ այն իրավունք չունի ցուցադրվել քաղաքի գյխավոր օպերային թատրոնում:

Այդ ստեղծագործության սյուժեն հիմնված է 1985 թ.-ին տեղ գտած իրական դեպքերի վրա, երբ պաղեստինյան խմբավորումներից մեկի զինյալները Միջերկրական ծովում գրավեցին իտալական «Ակիլլե Լաուրո» զբոսանավը: Այդ գործողության ժամանակ ահաբեկիչները գնդակահարեցին և տախտակամած նետեցին հաշմանդամի սայլակին գամված 69-ամյա հրեական ծագում ունեցող ամերիկացի Լեոն Քլինգհոֆֆերին, ով իր տիկնոջ հետ ծովով ճանապարհորդում էր՝ նշելով համատեղ կյանքի տարելիցը:

Օպերայում «Ակիլլե Լաուրո» զբոսանավում տեղի ունեցած ողբերգությանը զուգահեռ ցուցադրվում է նաև Լիբանանում գտնվող Սաբրա և Շաթիլա ճամբարների փախստականների ողբերգական ճակատագիրը, որտեղ 1982 թ.-ին սպանվեցին մի քանի հազար խաղաղ պաղեստինցիներ:

Սպասվում է, որ բողոքի ցույցին կմասնակցի Նյու-Յորքի նախկին քաղաքագլուխ Ռուդի Ջուլիանին: Ցուցարաները մտադիր են հայտնի մշակութային Լինկոլն կենտրոնի մեջ մտնող Մետրոպոլիտեն օպերայի հրապարակ բերել հարյուր հաշմադամի սայլակ՝ ի հիշատակ Քլինգհոֆֆերի:

«Քլինգհոֆֆերի մահը» օպերան առաջին անգամ ցուցադրվել է 1991 թ.-ի մարտին՝ Բրյուսելում: Այդ ժամանակ ներկայացումը արժանացավ դրական արձագանքների: Մի քանի ամիս անց այն ցուցադրվեց Նյու-Յորքի Բրուքլինյան երաժշտական ակադեմիայում, որտեղ էլ այն, հանկարծ, շատերի համար վիրավորական թվաց: Քլինգհոֆֆերի դուստրերը հայտարարեցին, որ օպերան քարոզում է հակասեմիթիզմ և կատարում է քաղաքական պատվեր:

Այդ օրից հետո այս ներկայացումը դիտել են շատ երկրներում, բայց նրա շուրջ աղմուկը չի դադարում:

Ամռանը Մետրոպոլիտեն օպերան չեղյալ է համարել նոյեմբերին ամբողջ աշխարհի կինոթատրոններում այս ներկայացումը հեռարձակմամբ ցուցադրելու իր ծրագիրը՝ անհանգստանալով, որ դա կարող է հակասեմիթիզմի ալիք բարձրացնել: Կոմպոզիտոր Ջոն Ադամսը թատրոնի այդ քայլը քննադատեց՝ հայտարարելով, որ «Օպերան ոչ մի կերպ չի խրախուսում և չի քարոզում բռնություն, ահաբեկչություն կամ հակասեմիթիզմ»:

«Քլինգհոֆֆերի մահը» օպերան Նյու-Յորքի Մետրոպոլիտեն և Անգլիական ազգային օպերաների համար երկու տարի առաջ բեմադրել է Թոմ Մորիսը, ով նաև «Մարտական նժույգ» հայտնի ներկայացման ռեժիսորն է: Օպերայի լիբրետոյի հեղինակը ամերիկացի բանաստեղծուհի Էլիս Գուդմանն է:
    Դիտվել է 430 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ