Փարիզը համալրվեց ժամանակակից արվեստի ևս մեկ խոշոր հաստատությամբ10.21.2014
Նախօրեին՝ հոկտեմբերի 20-ին, Ֆրանսիայի նախագահ Ֆրանսուա Օլլանդը հանդիսավորությամբ բացել է Փարիզի ժամանակակից արվեստի նոր մշակութային կենտրոնը: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է «taglur.am»-ը:
«Loui Vuitton» հիմնադրամին պատկանող այս հաստատությունը կառուցվել է ֆրանսիացի միլիարդատեր Բեռնար Արնոյի միջոցներով, ով ոչ միայն շքեղության առարկաներ արտադրող և իրացնող «LVMH» ընկերության սեփականատերն է, այլև տնօրինում է ժամանակակից արվեստի ստեղծագործությունների հսկայական հավաքածոյի:
Իր թանգարանի ստեղծման աշխատանքներում Արնոն ներգրավել է ամենահայտնի և իր ծառայությունների համար շատ բարձր գին պահանջող, մեր օրերի ամենահայտնի ճարտարապետներից մեկին՝ 85-ամյա Ֆրենկ Գեհրիին, ով ֆրանսիացի միլիարդատիրոջ հիացմունքին արժանացած Սոլոմոն Գուգենհեյմի հիմնադրամի կողմից իսպանական Բիլբաո քաղաքում կառուցված ժամանակակից արվեստի թանգարանի շենքի ճարտարապետն է: Արնոն որոշել է, որ նման գեղագիտական մոտեցումներով մի շենք էլ ինքը պետք է կառուցի իր հայրենիքում:
Եվ ահա, այսօր նրա ցանկությունն արդեն իրականություն է դարձել: Թանգարանի շենքը, որն ունի 46 մետր բարձրություն, կանգնեցված է Փարիզի պատմական Բուլոնյան անտառում: Շենքի ապակե թաղանթը, որ անվանել են 12 «առագաստ», պատրաստված է 3,8 հազար ապակյա վահանակներից, որոնցից յուրաքանչյուրի վրա արված է յուրահատուկ մի նախշ: Թանգարանի պատշգամբներից բացվում են հիանալի տեսարաններ քաղաքից ու շրջակայքից:
Որպեսզի կատարի միլիարդատիրոջ բոլոր պահանջները, Գեհրին ապագա կառույցի համար պատրաստել է 60 տարբեր մակետ: Օբյեկտի վերջնական արժեքը չի հրապարակվում, սակայն հայտնի է, որ սկզբնական նախահաշվային փաստաթղթերում շրջանառվել է 112 մլն եվրոյի մասին գինը, որն, անշուշտ, 12 տարի շարունակվող շինարարության ընթացքում, ենթադրվում է, որ պետք է որ գերազանցված կլինի: Նախագծի մշակման և շինարարական աշխատանքներում ներգրավվել է ավելի քան 100 ինժեներ: Շենքի կառուցման մեջ կիրառվել են 30 նոր տեխնոլոգիական մոտեցումներ, որոնք պատենտավորվել են և պաշտպանված են, որպես հեղինակային նորամուծություններ:
«Հիանալի շենք է, դուք մեծ երևակայության տեր եք, սա 21-րդ դարի իսկական ճարտարապետություն է»,- ճարտարապետին իր գնահատականն է տվել Ֆրանսիայի նախագահը՝ թանգարանի շենքի բացման արարողության ժամանակ:
Թանգարանն ունի 10 խոշոր ցուցասրահ, ինչպես նաև լսարաններ, համերգային դահլիճներ, կինոյի և տեսագրությունների սրահներ: Այս պահին թանգարանում ցուցադրվում են բացման համար հատուկ պատրաստված մեկ տասյակ մոդեռն ինստալացիաներ, ինչպես նաև շենքի 60 ճարտարապետական մակետները: Արնոյի հիմնական հավաքածոն ցուցադրանքի կդրվի 2015 թ.-ի սկզբներին:
Թանգարանը կսկսի աշխատել հոկտեմբերի 27-ից՝ վճարովի ռեժիմով: Իսկ դրան նախորդող երեք օրերին փարիզյան նոր մշակութային հաստատությունը իր դռները անվճար բաց կպահի բոլոր այցելուների առաջ: Ենթադրվում է, որ տարեկան այստեղ կայցելի 600-700 հազար մարդ:
Փարիզի քաղաքապետարանի հետ կնքված հողատարածքի վարձակալման պայմանագրի համաձայն, շենքը, որպես սեփականություն, քաղաքին կանցնի 55 տարի հետո:
Նախօրեին՝ հոկտեմբերի 20-ին, Ֆրանսիայի նախագահ Ֆրանսուա Օլլանդը հանդիսավորությամբ բացել է Փարիզի ժամանակակից արվեստի նոր մշակութային կենտրոնը: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է «taglur.am»-ը:
«Loui Vuitton» հիմնադրամին պատկանող այս հաստատությունը կառուցվել է ֆրանսիացի միլիարդատեր Բեռնար Արնոյի միջոցներով, ով ոչ միայն շքեղության առարկաներ արտադրող և իրացնող «LVMH» ընկերության սեփականատերն է, այլև տնօրինում է ժամանակակից արվեստի ստեղծագործությունների հսկայական հավաքածոյի:
Իր թանգարանի ստեղծման աշխատանքներում Արնոն ներգրավել է ամենահայտնի և իր ծառայությունների համար շատ բարձր գին պահանջող, մեր օրերի ամենահայտնի ճարտարապետներից մեկին՝ 85-ամյա Ֆրենկ Գեհրիին, ով ֆրանսիացի միլիարդատիրոջ հիացմունքին արժանացած Սոլոմոն Գուգենհեյմի հիմնադրամի կողմից իսպանական Բիլբաո քաղաքում կառուցված ժամանակակից արվեստի թանգարանի շենքի ճարտարապետն է: Արնոն որոշել է, որ նման գեղագիտական մոտեցումներով մի շենք էլ ինքը պետք է կառուցի իր հայրենիքում:
Եվ ահա, այսօր նրա ցանկությունն արդեն իրականություն է դարձել: Թանգարանի շենքը, որն ունի 46 մետր բարձրություն, կանգնեցված է Փարիզի պատմական Բուլոնյան անտառում: Շենքի ապակե թաղանթը, որ անվանել են 12 «առագաստ», պատրաստված է 3,8 հազար ապակյա վահանակներից, որոնցից յուրաքանչյուրի վրա արված է յուրահատուկ մի նախշ: Թանգարանի պատշգամբներից բացվում են հիանալի տեսարաններ քաղաքից ու շրջակայքից:
Որպեսզի կատարի միլիարդատիրոջ բոլոր պահանջները, Գեհրին ապագա կառույցի համար պատրաստել է 60 տարբեր մակետ: Օբյեկտի վերջնական արժեքը չի հրապարակվում, սակայն հայտնի է, որ սկզբնական նախահաշվային փաստաթղթերում շրջանառվել է 112 մլն եվրոյի մասին գինը, որն, անշուշտ, 12 տարի շարունակվող շինարարության ընթացքում, ենթադրվում է, որ պետք է որ գերազանցված կլինի: Նախագծի մշակման և շինարարական աշխատանքներում ներգրավվել է ավելի քան 100 ինժեներ: Շենքի կառուցման մեջ կիրառվել են 30 նոր տեխնոլոգիական մոտեցումներ, որոնք պատենտավորվել են և պաշտպանված են, որպես հեղինակային նորամուծություններ:
«Հիանալի շենք է, դուք մեծ երևակայության տեր եք, սա 21-րդ դարի իսկական ճարտարապետություն է»,- ճարտարապետին իր գնահատականն է տվել Ֆրանսիայի նախագահը՝ թանգարանի շենքի բացման արարողության ժամանակ:
Թանգարանն ունի 10 խոշոր ցուցասրահ, ինչպես նաև լսարաններ, համերգային դահլիճներ, կինոյի և տեսագրությունների սրահներ: Այս պահին թանգարանում ցուցադրվում են բացման համար հատուկ պատրաստված մեկ տասյակ մոդեռն ինստալացիաներ, ինչպես նաև շենքի 60 ճարտարապետական մակետները: Արնոյի հիմնական հավաքածոն ցուցադրանքի կդրվի 2015 թ.-ի սկզբներին:
Թանգարանը կսկսի աշխատել հոկտեմբերի 27-ից՝ վճարովի ռեժիմով: Իսկ դրան նախորդող երեք օրերին փարիզյան նոր մշակութային հաստատությունը իր դռները անվճար բաց կպահի բոլոր այցելուների առաջ: Ենթադրվում է, որ տարեկան այստեղ կայցելի 600-700 հազար մարդ:
Փարիզի քաղաքապետարանի հետ կնքված հողատարածքի վարձակալման պայմանագրի համաձայն, շենքը, որպես սեփականություն, քաղաքին կանցնի 55 տարի հետո:
.jpg)
