Քաղաքակրթական ներուժը կեցության բարձրագույն արժեք է:

Կիրա Նայթլին իր դեբյուտը կկատարի Բրոդվեյի թատրոնում

10.24.2014

Բրիտանացի դերասանուհի Կիրա Նայթլին Բրոդվեյում առաջին անգամ բեմ դուրս կգա ֆրանսիացի դասական Էմիլ Զոլայի «Թերեզ Ռաքեն» վեպի հիման վրա բեմականացված համանուն ներկայացման մեջ: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է «taglur.am»-ը:

Գործակալությունը հղում անելով ամերիկյան լրատվամիջոցներին, տեղեկացնում է, որ ներկայացման պրեմիերան նախատեսված է ընթացիկ ամսում: Ներկայացման մեջ զբաղված մյուս դերասանների մասին տեղեկություն չի հրապարակվում: Սակայն նշվում է, որ ֆրանսիացի հեղինակի հայտնի վեպը պիեսի է վերածել բրիտանացի դրամատուրգ Հելեն Էդմունդսոնը:

Էմիլ Զոլան այս վեպը գրել է 1867 թ.-ին: Այն երիտասարդ կնոջ մասին է, ով շատ վաղ է մնում առանց ծնողների և մեծանում է մորաքրոջ զգոն հսկողության ներքո: Նա ամուսնանում է իր հիվանդոտ բարեկամի հետ, բայց սիրավեպ է սկսում նրա ընկերոջ հետ:

Հանդիսատեսին առավել շատ կինոյից հայտնի Նայթլին թատերական աշխարհում իր նորամուտը կատարել է 2009 թ.-ին, Լոնդոնում՝ Մոլիերի «Միզանտրոպ» պիեսի հիման վրա կատարված ներկայացման մեջ: Իսկ 2011 թ.-ին նա խաղացել է «Մանկական ժամ» ներկայացման մեջ՝ ըստ ամերիկացի գրող Լիլիան Հելմանի ստեղծագործության:

29-ամյա Նայթլին հայտնի է այնպիսի կինոնկարներից, ինչպիսիք են «Կարիբյան ծովի ծովահենները», «Իրական սերը», «Արթուր թագավորը», «Աննա Կարենինան»: Իսկ 2005թ.-ին թողարկված «Հպարտություն և նախապաշարումներ» ֆիլմում Էլիզաբեթ Բեննեթի կերպարը մարմնավորելու համար «Լավագույն արտիստուհի» անվանակարգում առաջադրվել է «Օսկարի»:
    Դիտվել է 396 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ