Քաղաքակրթական ներուժը կեցության բարձրագույն արժեք է:

«Երջանկության թռչունի» պրեմիերան, ըստ երկրի նախագահի

10.28.2014


Թուրքմենիայի դրամատիկական թատրոնում կայացել է «Երջանկության թռչունը» ներկայացման պրեմիերան, ըստ այդ երկրի նախագահ Գուրբանգուլի Բերդիմուհամեդովի համանուն վեպի: Այդ մասին Թուրքմենիայի պետական տեղեկատվական գործակալության՝ «TDH»-ի հաղորդումը փոխանցում է «taglur.am»-ը՝ հղում անելով «chrono-tm.org»-ին:

Լրատվամիջոցը տեղեկացնում է, որ վեպի շնորհանդեսը կայացել է դեռևս մեկ տարի առաջ:

Գիրքը նվիրված է Թուրքմենիայի նախագահի հորը՝ «Մյալիքգուլի Բերդիմուհամեդովին, ում մանկությունը անցել է պատերազմի տարիներին»: Ազգի առաջնորդը պատմում է իր հոր մասին՝ ոչ միայն հիշողությունների, այլև վավերագրական նյութերի հիման վրա, տեղեկացնում է լրատվամիջոցը:

«Մտորումներ աշխարհի ճակատագրի և խաղաղության մասին, որը պետք է պահպանել, այս է վեպի և դրա հիման վրա ստեղծված ներկայացման կենտրոնական թեմաներից մեկը»,- ասված է հաղորդագրության մեջ:

Երիտասարդ Մյալիքգուլին ոչ այնքան պատերազմական ժամանկաշրջանի զավակն է, որքան դրա հերոսը: Հոր Երկրորդ աշխարհամարտի դաշտ մեկնելուց հետո որդու ուսերին են ծանրանում ոչ միայն ընտանիքի հոգսերը, այլև պատասխանատվությունը և ծանր աշխատանքը:

Ներկայացման վերջում հերոսը հանդես է գալիս սիրո և հայրենիքի մասին մենախոսությամբ և գովաբանում է նախնիների մեծ գործերը շարունակող իր որդուն:

Մի շարք լրատվամիջոցներ տեղեկացնում են, որ պրեմիերային ներկա են եղել Թուրքմենիայի կառավարության և խորհրդարանի բազմաթիվ անդամներ և երկրում հավատարմագրված օտարերկրյա դիվանագիտական կորպուսի ներկայացուցիչներ:
    Դիտվել է 439 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ