Քաղաքակրթական ներուժը կեցության բարձրագույն արժեք է:

«Ժամանակակից պիեսի դպրոցը» և «Schauspielhaus»-ը կբեմադրեն «Աշխարհի վերջը»

09.03.2013

Մոսկվայի «Ժամանակակից պիեսի դպրոց» թատրոնը և Վիենայի «Schauspielhaus»-ը իրականացնում են համատեղ ստեղծագործական նախագիծ: Այս գործը սկսվել է դեռ մեկ տարի առաջ, երբ թատերական համագործակցության գաղափարը ստացավ Ռուսաստանի և Ավստրիայի մշակույթի նախարարությունների հավանությունը:

2013թ. մարտին մոսկվացի դերասանները մեկնեցին Վիենա: Նրանք այնտեղ ներկայացրին երկու ներկայացում՝ Եվգենի Գրեշկովցի «Տուն» և «Քաղաք» պիեսների հիման վրա: Անցյալ հանգստյան օրերին «Schauspielhaus» թատրոնը ժամանեց Մոսկվա Սառա Քեյնի և Իվան Վիրիպաևի «Ծարավ», «Պատրանքներ» և «Կարաոկե-բոքս» ներկայացումներով:

«Ժամանակակից պիեսի դպոց»-ի գեղարվեստական ղեկավար Իոսիֆ Ռեյխելգաուզը նշել է, որ իր խումբը բավականին մեծ ակտիվությամբ է ամբողջ աշխարհով մեկ մեկնում հյուրախաղերի, սակայն հենց ավստրիացիների հետ է իր թատրոնի համար ձևավորվել ջերմ ստեղծագործական կապի հնարավորություն:

«Schauspielhaus» պետական թատրոնի շենքը գտնվում է Վիենայի կենտրոնում և հյուրախաղերի ողջ շաբաթվա ընթացքում դահլիճը միշտ լիքն է եղել հանդիսատեսներով: Ավելին, ավելի շատ հանդիսատեսներ պարզապես չեն կարողացել ներկա լինել ներկայացումներին:

Այժմ սկսվում է համատեղ նախագծի երկրորդ փուլը: «Մենք միասին մտմտում ենք նոր ներկայացման մասին,- հայտնեց Իոսիֆ Ռեյխելգաուզը:- Երկու թատրոններն էլ գերադասում են խաղացանկում ունենալ ժամանակակից պիեսներ, այնպես որ մենք շատ ընդհանրություններ ունենք:

Ավստրիացիներն ապագա պիեսի համար հեղինակ են ընտրել Մաքսիմ Կուրոչկինին: Այդ թատերգության աշխատանքային վերնագիրն է «Աշխարհի վերջը»: Թեման նույնպես ավստրիացիների առաջարկությունն է: Պիեսը դրամատուրգ Յուրի Զոյֆերի վավերագրական պատմությունն է, ում ընտանիքը 20-րդ դարի սկսզբներին Խարկովից տեղափոխվեց Ավստրիա, որպեսզի խուսափի Ռուսաստանը հեղեղած հրեական ջարդերից: 27 տարեկան հասակում Յուրի Զոյֆերը, որ արդեն հայտնի էր որպես դրամատուրգ (նա գրում էր Բրեխտի ոգով պիեսներ, որոնցից առավել հայտնին կոչվում էր «Աշխարհի վերջը»), դարձավ ֆաշիզմի հերթական զոհերից մեկը և զոհվեց Դախաուի համակենտրոնացման ճամբարում:

Պիեսի հիմնական գաղափարը փախուստն է իրականությունից, քաղաքացիական ակտիվ դիրքորոշումից հրաժարումը, ժամանակակից աշխարհի վրա իրականի փոխարեն գեղարվեստական պատրանքներով լեցուն հայացքով նայելը, որն ի վերջո տանում է անխուսափելի մահվան:

Պիեսը կբեմադրի Իոսիֆ Ռեյխելգաուզը: Դերասանական կազմը կլինի խառը՝ ռուս և ավստրիացի դերասաններ (յուրաքնչյուր կողմից 3-ական հոգի): Կա գաղափար, որպեսզի խաղն ընթանա միաժամանակ երկու լեզվով: Ներկայացման առաջին բեմելը տեղի կունենա Մոսկվայում՝ 2014թ.-ի մայիսին, իսկ Վիենայում նույն տարվա հոկտեմբերին, հաղորդում է «teatral-online.ru»-ն:
    Դիտվել է 708 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332>>հաջորդ