Քաղաքակրթական ներուժը կեցության բարձրագույն արժեք է:

Ռուսաստանի նախագահն ափսոսում է, որ հաճախ չի լինում թատրոնում

11.05.2014


«Ես շատ եմ ափսոսում, որ հազվադեպ եմ լինում թատրոնում: Եվ որքան լավ է, որ ես այսօր այստեղ եմ հայտնվել» ,- ասել է ՌԴ նախագահ Վլադիմիր Պուտինը Մոսկվայի Ազգությունների թատրոնում, ուր նա ժամանել է երեկ, նոյեմբերի 4-ին, երբ Ռուսաստանում նշվում էր Ազգային միասնության օրը: Այդ մասին հաղորդում է «taglur.am»-ը՝ հղում անելով «РИА Новости»-ին:

Թատրոնի դերասանները երկրի նախագահին ներկայացրել են իրենց լավագույն ներկայացումներից մեկը՝ ռեժիսոր Ալվիս Հերմանիսի «Շուկշինի պատմվածքները» բեմադրությունը, որտեղ գլխավոր դերերում հանդես են գալիս կոլեկտիվի գեղարվեստական ղեկավար Եվգենի Միրոնովը և ճանաչված դերասանուհի Չուլպան Խամատովան:

Ներկայացման ընտրությունը պատահական չի եղել, քանի որ Ռուսաստանում լայնորեն նշվում է մեծ գրող, սցենարիստ, դերասան և ռեժիսոր Վասիլի Շուկշինի 85-ամյակը:

Վլադիմիր Պուտինը ներկաների մոտ նաև անկեղծ ափսոսանք է հայտնել, որ այդ օրը գրողն իրենց հետ չի: «Բայց,- ավելացրեց նա,- մեր հետ են նրա հերոսները, որոնք այնքան նման են իրեն և որոնց շնորհիվ կանգուն է Ռուսաստանը»:

Պուտինը նաև շնորհակալություն է հայտնել դերասաններին փայլուն խաղի համար և նշել. «Ես հիմա հասկանում եմ, ինչու տարբեր երկրներում, չնայած լեզվական խոչընդոտին, ներկայացումն ընդունվել է ջերմությամբ»:

Ավելացնենք, որ այդ երեկո թատրոնում է գտնվել նաև ամերիկացի աշխարհահռչակ ռեժիսոր Օլիվեր Սթոունը, ում հետ Վլադիմիր Պուտինը հաղորդակցվել է ներկայացումից հետո:
    Դիտվել է 425 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ