Քաղաքակրթական ներուժը կեցության բարձրագույն արժեք է:

«Pink Floyd»-ը հրաժեշտ է տալիս լիրիկական նոտայով

11.10.2014

Բրիտանական հանրահայտ «Pink Floyd» համույթը թողարկել է իր վերջին «The Endless River» («Անվերջ գետ» խորագիրը կրող վերջին ալբոմը, որն այսօրվանից սկսել է վաճառվել ամբողջ աշխարհում: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է «taglur.am»-ը:

Երաժիշտները որոշում են կայացրել այսուհետ այս կազմով չձայնագրվել:

Նոր ալբոմը կազմված է այնպիսի ստեղծագործություններից, որոնք պատրաստվել էին դեռևս 1993 թ.-ին՝ «The Division Bell» ալբոմի համար, սակայն տարբեր պատճառներով դրա մեջ չեն մտել:

«The Endless River»-ը վերջին 20 տարում այս հայտնի խմբի կողմից թողարկվող միակ նոր ալբոմն է: Ստեղծագործությունները գրել են կիթառիստ Դևիդ Գիլմորը, հարվածային գործիքների կատարող Նիք Մեյսոնը, ստեղնաշարային գործիքներով նվագող Ռիչարդ Ռայթը, ով 2008 թ.-ին կնքել է իր մահկանացուն:

«BBC» ռադիոկայանին տված հարցազրույցում Մեյսոնը և Գիլմորը հաստատել են, որ «The Endless River»-ը լինելու է իրենց վերջին համատեղ աշխատանքը: «Վշտալի է, բայց սա վերջն է».-ասել է Գիլմորը: Միաժամանակ կիթառահարը ասել է, որ հավանական է, որ իր ապագա մենահամարգների ժամանակ ինքն օգտագործի Ռայթի հետ ստեղծած նյութերը: «Իմ մոտ կան որոշ ձայնագրություններ, որոնք արել ենք Ռիքի հետ: Հույս ունեմ, որ դրանք տեղ կգտնեն իմ հաջորդ ալբոմում, բայց ոչ «Pink Floyd»-յան ձայնապնակում»,-նշել է նա:

«The Endless River» ալբոմն ամփոփում է 17 գործիքային կոմպոզիցիա: Դրանցից մեկում «Talkin' Hawkin» երգում հնչում է նաև բրիտանացի գիտնական Սթիվեն Հոքինգի ձայնը, իսկ «Louder Than Words» երգի բառերի հեղինակը Դևիդ Գիլմորի կինն է՝ Փոլլի Սեմսոնը:

Ասենք, որ վաճառքի դուրս բերելուց որոշ ժամանակ առաջ ալբոմի երգերից մի քանիսը թափանցել են համացանց և ըստ մասնագետների գնահատականների այս նոր աշխատանքը հնչում է ինչպես «Այն նույն Pink Floyd-ը»:

Տեսանյութեր

Դիտվել է 513 անգամ
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374>>հաջորդ