Քաղաքակրթական ներուժը կեցության բարձրագույն արժեք է:

Դերասանուհին մահացել է բժիշկների անփութության և դանդաղկոտության պատճառով

11.11.2014

Ամերիկացի դերասանուհի Ջոան Ռիվերզը զոհվել է բժիշկների դանդաղկոտության և անփութաջանության պատճառով: Այդ մասին համացանցային «TMZ» պարբերականի տարածած տեղեկատվությունը փոխանցում է «taglur.am»-ը՝ հղում անելով «ԻՏԱՐ-ՏԱՍՍ»-ին:
Նյու-Յորք նահանգի առողջապահության և սոցիալական ապահովության փորձագետները հիվանդի պատմության գրառումներում չեն գտել նրա քաշը ստուգելու մասին պարտադիր գրանցումը՝ մինչև նրան ուժեղ ներգործող հանգստացնող պրոպոլ պրեպարատի ներարկումը: Բացի այդ, համակարգիչների տվյալները վկայում են, որ ներարկված դեղի չափաքանակը գերազանցել է թույլատրելի առավելագույն նորմը:

Հաղորդագրության մեջ նաև նշվում է, որ փորձագետներին հաջողվել է պարզել, որ բժիշկները ժամանակին չեն նկատել հիվանդի ինքնազգացողության վատանալը և շարունակել են պլանավորված արարողությունները, թեև Ռիվերզի արյան մեջ թթվածնի մակարդակը կտրուկ ընկել է:

Ավելի վաղ ոստիկանության բաժանմունքում հայտնել էին, որ դերասանուհին մահացել է թթվածնի սուր անբավարարության և դրան հաջորդած ուղեղին հասցված անուղղելի վնասի հետևանքով:

Հայտնի կատակերգուհին և հեռուստահաղորդավարուհին վախճանվել է սեպտեմբերի 4-ին, Նյու-Յորքում, 81 տարեկան հասակում: Օգոստոսի 28-ին, Նյու-Յորքի կլինիկաներից մեկում նրա ձայնալարերի հյուսվածքների հետ կապված արարողության ժամանակ, Ռիվերզի սիրտը կանգ է առել և նրան արագ տեղափոխել են «Mount Sinai» բժշկական կենտրոն, սակայն նրան չի հաջողվել վերակենդանացնել:

Ջոան Ռիվերզը ծնվել է Նյու-Յորքում, 1933 թ.-ին: 1960-ական թվերից նա սկսել է հանդես գալ մասսայականություն վայելող հեռուստահաղորդումներում: 1968 թ.-ին առաջին անգամ մուտք է գործել նաև կինոյի ոլորտ: Առաջին ֆիլմը որտեղ նա նկարահանվել է «Լողորդ» կինոնկարն է: Վերջին ֆիլմը, որտեղ նա հանդես էր գալիս, նկարահանվել է 2012 թ.-ին և ուներ «Մեռնելու աստիճան գեղեցիկ» վերնագիրը:

    Դիտվել է 301 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374>>հաջորդ