Քաղաքակրթական ներուժը կեցության բարձրագույն արժեք է:

Երաժշտությունը նյութականացրել են ավազի, ջրի և կրակի միջոցով

11.17.2014

Նյու-Յորքում բնակվող ռեժիսոր Շահիրիմ Դաուդը նկարահանել է մի տեսահոլովակ, որտեղ փորձել է ժամանակակից տեխնիկական միջոցների և տեխնոլոգիաների կիրառմամբ պատկերել երաժշտության ու հնչյունների տեսանելի պատկերը:

Այդ գաղափարը նրա մոտ ծնվել է այն ժամանակ, երբ աշխատելիս է եղել երաժիշտ Նիգել Սթենֆորդի վերաբերյալ տեսակլիպի վրա:

Սթենֆորդը պատմել է, որ նման տեսահոլովակ ստեղծելու գաղափարը ծնվել է դեռևս 1999 թ.-ին, երբ ինքն իմացել է սինեսթեզիայի մասին (այն մասանավորապես նախատեսում է մի սկզբունք, ըստ որի մարդը կարող է երաժշտությունն ընկալել գույնի միջոցով և հակառակը):

Իսկ 2003 թ.-ին Սթենֆորդը ծանոթանում է կիմատիկային, այն գիտությանը, որը ուսումնասիրում է ձայնը և նրանից առաջացող վիբրացիան:

10 տարի անց նա գալիս է Դաուդի մոտ և առաջարկում նկարահանել տեսահոլովակ՝ զանազան ֆիզիկական և կիմատիկական էֆեկտների փորձարկման ցուցադրմամբ: Երաժշտի կարծիքով տեսահոլովակի ստեղծման ամենից հետաքրքիր պահն այն է, որ նրա ձայնաերիզն ինքը գրել է տեսագրությունն ու դրա մոնտաժն ավարտելուց հետո:

Տեսահոլովակի նկարահանումները սկսվել են 2013 թ.-ի վերջին: Բոլոր փորձերը ընթացել են այնպես, ինչպես իրենք նախատեսել էին: Օրինակ, Խլադնիի ափսեում նախշերը ստանալու համար անհրաժեշտ է եղել հստակ որոշել, թե որքան պետք է լինի ավազի քանակը: Կամ ջրի ալիքաձև շիթը հավասարաչափ թափվելու տեսարանը ստանալու համար պահանջվել է այնպիսի ձայն, որի հաճախականությունը չպետք է համապատասխաներ նկարահանող խցիկի հաճախականությանը, հակառակ դեպքում ջրի շիթի ճկումները տեսագրության մեջ հավասարաչափ չէր պատկերվի: Իսկ ֆերոմագնիսական լուծույթի փորձարկման համար պարզվել է, որ անհրաժեշտ է չափազանց մեծ հզորության մագնիս, որը նրանք չէին կարող իրենց թույլ տալ:

Բայց այն, ինչ ստացվել է ավազի, ջրի ու կրակի միջոցով ձայնը տեսանելի դարձնելու փորձարարության արդյունքում, արժանի է ուշադրության:

Տեսանյութեր

Դիտվել է 301 անգամ
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393>>հաջորդ