Քաղաքակրթական ներուժը կեցության բարձրագույն արժեք է:

Հիտլերի ջրաներկ ստեղծագործություններից մեկը վաճառվել է 130 հազար եվրոյով

11.23.2014


1914 թ.-ին Ադոլֆ Հիտլերի վրձնած ջրաներկ աշխատանքը Գերմանիայի Նյուրեմբերգ քաղաքում կայացած աճուրդում վաճառվել է 130 հազար եվրոյով ($161,000): Այդ մասին «reuters.com»-ի տեղեկատվությունը փոխանցում է «taglur.am»-ը:

Գնորդը եղել է Միջին Արևելքցի մի մասնավոր անձ, փոխանցել է աճուրդի տան ղեկավար Քաթրին Վեյդլերը:

Գերմանական ֆաշիզմի ապագա ֆյուրերի այդ նկարը կրում է այն շենքի անունը, որը նա պատկերել է իր գունանկարում՝ «Քաղաքացիական կարողության գրանցման բյուրոն և ռատուշան Մյունխենում» Սա Հիտլերի 2 հազար նկարներից մեկն է , որոնք նա նկարել է 1905-1920թթ.-երի միջակայքում:

Այդ նկարը աճուրդում վաճառքի են հանել Հեսսե ազգանվամբ երկու անհայտ քույրեր, ում պապը այն ձեռք է բերել 1970-ականներին՝ Գերմանիայի ցուցասրահներից մեկում:

Ասենք, որ աճուրդի ընթացքում վաճառվել է Հիտլերի հեղինակած ևս 5 աշխատանք, որոնց գները տատանվել էն 5 հազարից 80 հազար եվրոյի սահմաններում:

Աճուրդի տան ղեկավարը նաև տեղեկացրել է, որ նկարների վաճառքից առաջացած հասույթի 10 տոկոսը պետք է փոխանցեն սահմանափակ կարողություններ ունեցող երեխաների օժանդակության հիմնադրամին:

    Դիտվել է 710 անգամ