Քաղաքակրթական ներուժը կեցության բարձրագույն արժեք է:

Գտնվել է Շեքսպիրի պիեսների առաջին ժողովածուի՝ Առաջին Ֆոլիոյի մեկ օրինակ

11.28.2014

Ֆրանսիայի հյուսիսում, Նոր-Պա-դե-Կալե տարածաշրջանի Սենթ-Օմեր փոքրիկ քաղաքի գրադարանում հայտնաբերվել է Ուիլյամ Շեքսպիրի պիեսների Առաջին Ֆոլիոն (միակողմանի էջերով համարակալված թղթեր): Այդ մասին հաղորդում է «taglur.am»-ը՝ հղում անելով «bbc.com»-ին:

Ժողովածուի մեջ պակասում են մի քանի էջ, այդ թվում նաև տիտղոսաթերթը:

Գտածոյի իսկությունն արդեն հաստատվել է Նևադայի համալսարանի շեքսպիրագետ Էրիկ Ռասմուսենի կողմից:

Գրքի էջերի վրա կան գրառումներ, որոնք հնարավորություն կտան առավել հստակ պատկերացում կազմել այն մասին, թե ինչպես են խաղացել այդ պիեսները Շեքսպիրի ժամանակներում, նկատել են մասնագետները: Ենթադրվում է, որ գրական հուշարձանը ինչ-որ ձևով այդ գրադարանում է հայտնվել ճիզվիտների միաբանությունից : Հետաքրքիր է, որ գիրքը գրանցված է եղել, որպես առանձնահատուկ արժեք չներկայացնող ինչ-որ բան:

Առաջին Ֆոլիո են անվանում Շեքսպիրի պիեսների առաջին ժողովածուն: Այն հրատարակվել է1623 թ.-ին, դրամատուրգի մահից 7 տարի անց: Այդ գործն իրականացրել են դերասաններ Ջոն Հեմինգը և Հենրի Քոնդելլը, ովքեր աշխատելիս են եղել շեքսպիրյան թատերախմբում: Այդ ֆոլիոն համարվում է Շեքսպիրի 18 գործերի, այդ թվում նաև «Մակբեթի», միակ սկզբնաղբյուրը:

Առաջին Ֆոլիոն համարվում է անգլերեն լեզվով հրատարակված գրականության ամեակարևորներից մեկը:

Ենթադրվում է, որ, ընդհանուր առմամբ, հրատարակվել է Շեքսպիրի պիեսների ժողովածուի 800 օրինակ, իսկ մեզ է հասել դրանցից միայն 233-ը: Այս գտածոի հետ միասին Ֆրանսիայում այսօր կա շեքսպիրյան ֆոլիոյի երկու օրինակ:
    Դիտվել է 469 անգամ