Քաղաքակրթական ներուժը կեցության բարձրագույն արժեք է:

Բրիտանիան ինքն իրեն զրկել է Հունական գանձերը իր մոտ պահելու հիմնավորումից

12.05.2014


Հունաստանի վարչապետ Անտոնիս Սամարասը հայտարարել է, որ Պարթենոնի մարմարը, բրիտանացիների կողմից գողացված է և Պետերբուրգում հունական ճարտարապետական հուշարձանի քանդակներից մեկի «պարտքով» ցուցադրելու մասին որոշումը զայրացուցիչ է: Այդ մասին «РИА Новости»-ի տեղեկատվությունը փոխանցում է «taglur.am»-ը:

Բրիտանական թանգարանը պատմության մեջ առաջին անգամ, ի պատիվ պետերբուրգյան Էրմիտաժի 250-ամյակի, Պարթենոնի մարմարակերտ քանդակների իր մոտ եղած ցուցանմուշներից մեկը ցուցադրելու նպատակով փոխանցել է արտասահմանյան մշակութային հաստատության: Քանդակը ներկայացնում է հին հունական գետերի աստված Իլիսսոսին: Կիսապառկած, առանց գլխի քանդակը դեկտեմբերի 6-ից պետք է ցուցադրվի Էրմիտաժում և այնտեղ է մնալու մինչև հունվարի 18-ը:

«Բրիտանական թանգարանի կողմից «պարտքով» քանդակներից մեկը Սանկտ-Պետերբուրգի ցուցահանդեսին փոխանցելու մասին որոշումը զայրացուցիչ է հույն ժողովրդի համար»,- ասված է Սամարասի հայտարարության մեջ:

Սակայն Սամարասը կարծում է, որ այժմ, արդեն, Բրիտանական թանգարանի համար չի մնացել որևէ հիմնավորում քանդակները իսկական տիրոջը՝ Հունաստանին վերադարձնելուց խուսափելու համար:

«Վերջին բրիտանական փաստարկը, որ Պարթենոնի մարմարակերտ քանդակները «չեն տեղաշարժվում իրենց տեղից» այլևս չի գործում»,- նշվում է Սամարասի հայտարարության մեջ: Նա հիշեցնում է, որ ավելի վաղ Ակրոպոլիսի թանգարանի բացումը հերքել է բրիտանական կողմի մյուս «փաստարկները», որոնց համաձայն իբր թե տեղ չկար, որտեղ տեղադրվեն քանդակները:

«Պարթենոնը և նրա քանդակները դարձել են թալանի առարկաներ: Քանդակները անգին են: Մենք, հույներս մեզ նույնականացնում ենք պատմության և մեր մշակույթի հետ, որոնք հնարավոր չի ոչ բաժանել, ոչպարտքով տալ, ոչ տեղաշարժել»,- նշված է հայտարարության մեջ:

Հին հունական արվեստի գլուխգործոցները Հունաստանից դուրս են տարվել լորդ Էլգինի կողմից՝ 10 տարվա ընթացքում, 1802-1812 թթ.-երին:

Հունաստանը իր պետականության վերածննդից անմիջապես հետո Բրիտանիայից պահանջել է իր մշակութային արժեքները ետ վերադարձնել, քանի որ դրանք հանդիսանում են ազգային արժեհամակարգի անբաժանելի մասը:

Այժմ այս հարցը Հունաստանը փորձում է լուծել UNESCO-ի միջնորդությամբ: Եթե Մեծ Բրիտանիան չհամաձայնվի, ապա հավանական է, որ հարցը բարձրացվի դատական հարթություն:

    Դիտվել է 343 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406