Քաղաքակրթական ներուժը կեցության բարձրագույն արժեք է:

Ա. Ֆրեյնդլիխ. «Առայժմ ես կարող եմ ասել, որ ապրել եմ երկար և երջանիկ կյանք»

12.08.2014


Այսօր իր ծննդյան 80 –ամյա հոբելյանն է նշում խորհրդային և հետխորհրդային տարածաշրջանում կինոսիրողներից շատերի սիրելին դարձած դերասանուհի Ալիսա Ֆրեյնդլիխը: Հոբելյանի առիթով մի շարք ռուսական լրատվամիջոցներ անդրադարձել են արտիստուհու ստեղծագործական գործունեությանը և նրա մասնակցությամբ բեմ բարձրացված նոր աշխատանքներին:

Վերջերս նրա մասնակցությամբ կայացավ «Ալիսա» ներկայացման պրեմիերան՝ ըստ Լուիս Քերոլի հեքիաթների, գրում է «vesti.ru»-ն: Դա հայտնի հեղինակի գործերի ժամանակակից մեկնաբանությունն է, որը ջերմորեն ընդունվեց հանդիսատեսի կողմից և ամեն ցուցադրության ժամանակ ապահովում էէ լեփլեցուն հանդիսասրահ:

Ներկայացումը նոր է, ոչ պարզունակ, փիլիսոփայական: Կամերային դահլիճում ընդամենը 100 նստատեղ կա, որոնք զբաղեցնող հանդիսատեսը անմիջապես սկսում է գլխավոր հերոսուհու հետ միասին վերլուծել իր անցյալը: «Ես,- ասում է դերասանուհին,- իմ անվան պատանդ եմ, բայց ոչինչ չես կարող անել: Ներկայացումը հնարավոր է, որ հասցեագրվել է դերասանուհի Ալիսա Ֆրեյնդլիխին, բայց դա չի նշանակում, որ այն իմ մասին է: Այն ընդհանրապես իմ մասին չի: Թեև ինչ-որ զուգահեռներ, ճակատագրի հետ կապված, այնուամենայնիվ կան»:

Ալիսա Ֆրեյնդլիխի նկատմամբ հանդիսատեսի սերըը սկզբնավորվում է 1960-ական թվականներից: Կինոյում նա սկզբում նկարահանվում էր դրվագային դերերում: Ռեժիսորները նրան համարում էին ոչ կինոգենիկ: Նույնիսկ թատրոնում երկար ժամանակ նա ստիպված սահմանափակվում էր երեխաների, անչափահասների և... պառավների դերերով, ինչպես նրա բնութագրում երաշխավորել էր Լենինգրադի թատերական ինստիտուտը: Ասենք, որ այդ շրջանում, այնուամենայնիվ հանդիսատեսը հաճույքով էր գնում Կամիսսարժեվսկայայի անվան թատրոն՝ դիտելու նրա կերպավորած անապաստան Կոտկային և Լենսովետի թատրոն՝ դիտելու նրա մասնակցությամբ «Փոքրիկն ու Կառլսոնը» ներկայացումը:

Նրան մեծ փառք բերեց «Ծառայողական սիրավեպ» կինոնկարը:

Միայն Սանկտ-Պետերբուրգի Մեծ դրամատիկական թատրոնում, որտեղ նա աշխատում է 1983 թ-ից, Ալիսա Ֆրեյնդլիխը կերտել է ավելի քան 20 ամենատարբեր բնութագրական նկարագրով կերպարներ:

«Չգիտեմ ինչ է սպասվում ինձ առջևում: Եվ ինչ-որ մի զգուշավորության և սնահավատության պատճառով ես չեմ ուզում այդ մասին բարձրաձայնել: Սպասենք: Առայժմ ես կարող եմ ասել, որ ապրել եմ երկար և երջանիկ կյանք»,- ասում է դերասանուհին:
    Դիտվել է 429 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ