Քաղաքակրթական ներուժը կեցության բարձրագույն արժեք է:

«Բարկացած կատուն» իր տիրուհուն հոլլիվուդյան աստղերից ավելի հարուստ է դարձրել

12.08.2014


«Բարկացած կատուն», որը դարձել է համացանցային և գովազդային հերոս, նկարահանվում է տեսահոլովակներում և նունյնիսկ կինոնկարներում, իր տիրուհուն օգնել է վաստակել մի ամբողջ կարողություն: Նույնիսկ հոլլիվուդյան այնպիսի աստղեր, ինչպիսիք են Նիկոլ Քիդմանը, Մեթ Դեյմոնը, Մեթյու Մաքքոնահին ավելի քիչ են վաստակում. քան Արիզոնայի այն բնակչուհին, ում սիրելի կատուն այսքան մեծ փառքի է հասել համացանցում: Այդ մասին հաղորդում է «taglur.am»-ը՝ հղում անելով «vesti.ru»-ին:

Ըստ «express.co.uk»-ի կատվի տիրուհին իր չորքոտանու օգնությամբ երկու տարում կարողացել է վաստակել 100 մլն դոլար:

Թարդար անունով կատվի տեսագրությունը «YouTube»-ում հայտնվել է երկու տարի առաջ: Դրանից հետո այն դիտել է ավելի քան 16 մլն օգտատեր: Բացի այդ, Թարդարը իր այլ համացանցային հայտնի ցեղակիցների հետ նկարահանվել է բարեգործական գովազդում: Իսկ նրա մասին պատմող մի գիրք էլ դարձել է բեսթսելլեր և թարգմանվել 15 լեզուներով:

Կատվի 28-ամյա տիրուհին՝ Թաբաթա Բունդեսեն ասում է, որ իր սիելիին հնարավոր չի ստիպել, որ դադար առնի: «Այն, ինչին նա հասել է կարճ ժամանակամիջոցում, պարզապես անհավանական է: Երբ նա հայտնի դարձավ սոցիալական ցանցերում, ես ազատվեցի աշխատանքից: Իմ հեռախոսն ուղղակի չէր պապանձվում»,- ասել է Թաբաթան:

Թարդարի տիրուհին նաև նշել է, որ մարդիկ սիրահարվում են իր կատվին առաջին հայացքից, նույնիսկ այն ժամանակ, երբ նրան համարում են այլամդակ: Իր «Բարկացած կատու» մականունը նա ստացել է ի ծնե թերության պատճառով, որը նրա մռութին տալիս է «բարկացածի» տեսք:

Վերջերս այս կատուն դարձել է «Grumppuccino» սառը սուրճի «դեմքը»:
    Դիտվել է 437 անգամ