Քաղաքակրթական ներուժը կեցության բարձրագույն արժեք է:

Ըստ Ջ. Քլունիի հակերների ստեղծած իրավիճակում «դեռ ոչ մեկը չգիտի ինչպես վարվել»

12.20.2014

Այն, որ «Sony Pictures» ընկերության ղեկավարներ Էմի Փասքալը և Մայքլ Լինթոնը լրատվամիջոցներին ներկայացնում են հակերների կողմից կինոթատրոններին հասցեագրված սպառնալիքներով հաղորդագրությունները՝ հարավկորեական առաջնորդի մասին կատակերգության ցուցադրման վերաբերյալ, պարզապես ավելի է նպաստում այդ հակերների հեղինակության աճին: Այդպիսի կարծիքով է հոլլիվուդյան հայտնի կինոաստղ Ջորջ Քլունիի հետ իր հարցազրույցն սկսում «deadline.com»-ը: Դրա հետ միասին պարբերականը նաև նշում է, որ կիբերահաբեկիչների զոհն առաջին հերթին հանդիսանում է հենց «Sony Pictures» ընկերությունը, հաղորդում է «taglur.am»-ը:

«Ինչ ցանկանում եք արեք, սակայն ֆիլմը թողարկեք»,- կոչ է արել դերասանը, ընդգծելով, որ դա ավելի շատ անհրաժեշտ է այն բանի համար, որ ինքը չի «պատրաստվում ենթարկվել ինչ-որ մեկին, ով ցուցում է տալիս նայել կամ չնայել ֆիլմը»: Քլունին դա համարում է այս իրավիճակում պահանջվող լուծման ամենակարևոր պահը:

Նա նաև նշել է, որ ստեղծված իրավիճակը նոր է իրենց իրականության համար և «դեռ ոչ մեկը չգիտի ինչպես վարվել»: Նա ասել է, որ ինչ էլ լինի, այնուամենայնիվ, իրենց երկիրը թույլատրել է, որ «Հյուսիսային Կորեան թելադրի իր կանոնները և դա խելագարություն է»:

Հշեցնենք, որ «Sony Pictures Entertainment» ընկերությունը նկարահանել է «Հարցազրույց» անունով կատակերգական ֆիլմ՝ Հյուսիսային Կորեայի առաջնորդ Քիմ Չեն Ինի մասին:

Ֆիլմը պատմում է, թե ինչպես երկու ամերիկացի լրագրողներ, որ պատրաստվում են հարցազրույց ունենալ կորեական առաջնորդի հետ, ԱՄՆ Կենտրոնական հետախուզական վարչությունից հանձնարարություն են ստանում սպանել նրան:

Պրեմիերայից առաջ «Sony Pictures Entertainment» ընկերության և կինոնկարի առաջին ցուցադրությանը պատրաստվող կինոթատրոնների համակարգիչները ենթարկվել են հակերային գրոհի, որոնցում եղած հաղորդագրություններում պահանջ է ներկայացվել հրաժարվել ֆիլմը ցուցադրելու պլաններից,՝ հակառակ դեպքում հակերները սպառնացել են այդ կինոթատրոններում ահաբեկչական գործողություններ իրականացնել:

Դրանից հետո «Հարցազրույց» ֆիլմի ցուցադրությունը անորոշ ժամանակով ամերիկյան բոլոր կինոթատրոններում հետաձգվել է:

Ավելացնենք, որ ֆիլմի դեկտեմբերի վերջին նախատեսված պրեմիերային ցուցադրություններից անորոշ ժամանակով հրաժարվել են նաև Ռուսաստանի կինոթատրոնները:
    Դիտվել է 742 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162