Քաղաքակրթական ներուժը կեցության բարձրագույն արժեք է:

Կկայանա «Հատուկ թատրոնների» փառատոն

12.25.2014

2015 թ.-ի հունվարին Մոսկվայում, Մեյերհոլդի անվան կենտրոնում, միջազգային հանդիպումների շրջանկում, կկայանա «Հատուկ թատրոնների» փառատոնային շարժման «Պռոտեատր» ֆորումը: Այնտեղ կհավաքվեն Իսպանիայի, Ֆրանսիայի և Ռուսաստանի լավագույն «Հատուկ թատրոնները»: Այդ մասին հաղորդում է «taglur.am»-ը՝ հղում անելով «meyerhold.ru»-ին:

«Հատուկ թատրոնները» այն թատերական խմբերն են, որոնցում խաղում են հաշմանդամություն ունեցող մարդիկ:
Փառատոնի նպատակն է «Հատուկ թատրոն» երևույթի զարգացումը, նրա շուրջ թատերական համայնքի և հասարակության համախմբումը:

Փառատոնի 3 մասնակիցները փնտրում են առանձնահատուկ առաքելութուն ստանձնած այս հարթության մեջ գտնել սեփական, յուրահատուկ ոճերը: Այս խմբերից յուրաքանչյուրն արդեն անցել է 25 ամյա փորձառության ժամանակահատված:
Ֆրանսիական «Du Cristal» թատրոնն աշխատում է հոգեբանական և աբսուրդի թատրոնի ժանրերում:

Իսպանական «Danza Mobile» թատերախումբը ներկայացնում է պարային ուղղությունը, որի ժամանակակից պարային ներկայացումները և պարողների պատրաստվածությունը կզարմացնեն անգամ փորձառու հանդիսատեսներին:
Ռուսաստանը փառատոնում ներկայացված է Մոսկվայի «Կրուգ» թատրոնով: Այս թատերախումբը որոնումներ է իրականացնում խոսքի և շարժման սինթեզման ուղղությամբ:

Այս կոլեկտիվներին միավորում է ընդհանուր ուժերով իրականացված նախագծերը և «հատուկ» դերասանների հետ աշխատելու յուրահատկությունները:

«Պռոտեատր»-ը Մոսկվայի թատերական տարածքում «Հատուկ թատրոնի» առաջքաշման պիոներն է: Այն գոյություն ունի ավելի քան 15 տարի: Այդ ընթացքում փառատոնին մասնակցել են ավելի քան 500 թատերական կոլեկտիվ, որոնց մեջ մտնում են թե Ռուսաստանի Դաշնության բոլոր սուբյեկտներին, թե Ասիայի և ԱՊՀ անդամ երկրներին ներկայացնող թատերախմբեր:

«Հատուկ թատրոնի» նկատմամբ հետաքրքրությունն աճում է թե այն մարդկանց մեջ, ովքեր վերկանգնողական աշխատանքներ են կատարում արվեստի միջոցով և թե նրանց մոտ, ում գործունեության բնագավառը թատրոնն է:

Փառատոնի ընթացքում «Հատուկ թատրոնի» ռեժիսորների ու դերասանների համար կանցկացվեն ուսումնական դասընթացներ, ներկայացումների քննարկումներ:
    Դիտվել է 431 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324>>հաջորդ