Քաղաքակրթական ներուժը կեցության բարձրագույն արժեք է:

Համասեռ զույգը հույս ուներ կատարել հարսանեկան փակ արարողություն

01.07.2015

Բրիտանացի 57-ամյա դերասան և հայտնի հեռուստահաղորդավար Սթիվեն Ֆրայը հայտարարել է իր 27-ամյա զուգընկերոջ՝ Էլլիոթ Սպենսերի հետ առաջիկա ամուսնության մասին: Այդ մասին «РИА Новости»-ի տեղեկատվությունը փոխանցում է «taglur.am»-ը:

Ըստ բրիտանական լրատվամիջոցների տարածած տեղեկատվության սիրահարները արդեն դիմել են Նորֆոլք կոմսության Դերեմ քաղաքի ամուսնություններ գրանցող բյուրոյին: Համասեռական զույգի օրինական ամուսնական կապը պաշտոնապես գրանցելու մտադրության մասին է վկայում նաև օրերս «Twitter»-ի իր էջում Ֆրայի տարածած հաղորդագրությունը: «Օհ, երևում է ինչ-որ մի պարկի միջից դուրս են հանել ոմն կատվի: Ես շատ, շատ երջանիկ եմ և հույս ունեի անցկացնել փակ հարսանեկան արարողություն: Բայց դա թույլ հույս է»,- գրել է նա:

Հիշեցնենք, որ համասեռական զույգերի ամուսնության իրավունքից Բրիտանիայում վերջերս օգտվել էր նաև հայտնի երգիչ՝ Էլտոն Ջոնը: Նա իր անձնական երջանկությանը հասավ հին զուգընկերոջ՝ Դեյվիդ Ֆերնիշի հետ ամուսնական օրինական հարաբերություններ հաստատելուց հետո:
    Դիտվել է 715 անգամ