Քաղաքակրթական ներուժը կեցության բարձրագույն արժեք է:

Իրեն լքած տարփածոյին Պեպան փնտրում է Լոնդոնի թատրոնում

01.14.2015


Լոնդոնի «Playhouse» թատրոնում բեմադրել են «Կանայք ջղային խանգարման եզրին» մյուզիքլը՝ ըստ իսպանացի հանրահռչակ կինոռեժիսոր Պեդրո Ալմոդովարի համանուն կինոնկարի: Ներկայացումը դիտելու համար Իսպանիայից Լոնդոն է ժամանել անգամ ինքը՝ հայտնի կինոռեժիսորը: Այդ մասին հաղորդում է «taglur.am»-ը՝ հղում անելով «tvkultura.ru»-ին:

«Դա հիանալի ներկայացում է, շատ ծիծաղելի, հիասքանչ երաժշտությամբ: Ես հուսով եմ, որ այն հաջողություն կունենա: Դրան այն արժանի է»,- ասել է Պեդրո Ալմոդովարը:

Պեպա Մարկոսի արկածների պատմությունը, ով փնտրում է իրեն լքած տարփածոյին և էլի երկու հերոսների, որոնց ճակատագրերը զարմանալի ձևով միահյուսվում են իր ճակատագրի հետ, էկրանից բեմ է տեղափոխվել գրեթե առանց փոփոխության:

Ներկայացման համար երաժշտությունը և լիբրետոն գրվել են դեռևս 2009 թ.-ին, սակայն Բրոդվեյում մյուզիքլը հաջողություն չի ունեցել: Ներկայացումը նույնիսկ հանվել է խաղացանկից նախատեսված ժամանակից ավելի շուտ: Բեմադրության ռեժիսոր Բարթլեթթ Շերը փորձել է վերաթողարկել այն Մեծ Բրիտանիայում: Այս անգամ, պրեմիերայից անմիջապես հետո, մյուզիքլը քննադատների կողմից ստացել է դրական արձագանք:

«Ցանկացած մյուզիքլում գլխավորն այն է, որ գտնվի պատճառը, որի շնորհիվ հերոսները սկսում են երգել, երբ բառերը նրանց արդեն քիչ են թվում: Պեդրոյի ֆիլմում կա կիրք, խելացնորություն և ինքնատիպություն, որոնք անհրաժեշտ են մյուզիքլին»,- նշել է ներկայացման ռեժիսոր Բարթլեթթ Շերը:
    Դիտվել է 280 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255>>հաջորդ