Քաղաքակրթական ներուժը կեցության բարձրագույն արժեք է:

Մահացել է Վերա Գարնաստաևան

01.20.2015

Կյանքից հեռացել է ռուսական դաշնամուրային դպրոցի նշանավոր ներկայացուցիչ, մանկավարժ, Մոսկվայի կոնսերվատորիայի պրոֆեսոր Վերա Գորնոստաևան: Այդ մասին հաղորդում է «taglur.am»-ը՝ հղում անելով «tvkultura.ru»-ին:

Վերա Գարնաստաևան ծնվել է երաժշտության միջազգային օրը և իր ողջ կյանքը նվիրել է արվեստի այդ ոլորտին: Նա աշակերտել է ժամանակի ամենանշանավոր դաշնակահարներից մեկին՝ Հենրիխ Նեյգաուզին և իր կատարողական որակներով միանգամից ձեռք է բերել բարձր մակարդակ, որի լավագույն վկայությունը 19 տարեկան հասակում Պրահայում նվաճած միջազգային մրցույթի դափնեկրի կոչումն է:

Սակայն կատարողական արվեստի ոլորտից ավելի Գարնաստաևան գերադասել է մանկավարժական գործունեությունը: Նա ավելի քան 60 տարի դասավանդել է Մոսկվայի կոնսերվատորիայում:

Նա մանկավարժական աշխատանքներ է իրականացրել նաև լայն լսարանի համար:

Դեռ խորհրդային տարիներին Գարնաստաևան հիմնեց հեռուստատեսային մի հիանալի հաղորդաշար՝ «Բաց դաշնամուր» խորագրով, որի թողարկումներում, սեփական մեկնաբանմամբ, ներկայացնում էր դաշնամուրային հայտնի ստեղծագործություններ և պատմում դրանք ստեղծող կոմպոզիտորների մասին: Նա կազմակերպում էր վարպետաց դասեր աշխարհի ամենատարբեր երկրների երաժիշտների համար, որոնք հաճախ հեռարձակում էին տեղի հեռուստակայաններով:

Վերա Գարնաստաևան տարբեր սերունդների հազարավոր երաժիշտներ դաստիարակած և երաժշտական մշակույթի մերձավորը դարձրած Մեծ մանկավարժ էր:
    Դիտվել է 321 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167