Քաղաքակրթական ներուժը կեցության բարձրագույն արժեք է:

Ռ. Գաբրիաձե. «Իմ վերջին ցանկությունն է՝ մի արգելեք մեզ անել հիմարություններ»

01.30.2015


Այսօր «Մարշալ դ՝ Ֆանտեի ադամանդը» ներկայացման ցուցադրմամբ Ռուսաստանում իրականացվող մեծ հյուրախաղերի շրջանակներում Մոսկվայի «Ստրաստնու վրա» թատերական կենտրոնում 15 օրյա ելույթներն է սկսում Ռեզո Գաբրիաձեի հայտնի մարիոնետների թատրոնը:

«Մարշալ դե Ֆանտեի ադամանդը» ներկայացման ցուցադրությունն, ինչ-որ տեղ, ունի պրեմիերայի նշանակություն, քանի որ այս հիանալի կատակերգությունը մոսկվացիներին է ներկայացվելու բեմադրական նոր տարբերակով:

«Իմ վերջին ցանկությունն է՝ մի արգելեք մեզ անել հիմարություններ: Թե չէ՝ ամեն ինչ միայն փիլիսոփաներին, քաղաքական գործիչներին, պրոֆեսորներին... Իսկ մեզ, ի՞նչ է, ոչի՞նչ: Չէ՞ որ հիմարությունների մեջ են կյանքի բոլոր քաղցրությունները և իմաստը»,- Գաբրիաձեի այս խոսքերը վերաբերում են իր ներկայացմանը:

Իսկ ներկայացման սյուժեն այսպիսին է. վրացի իշխան Վանո Պանտիաշվիլին հանկարծ հեռագիր է ստանում այն մասին, որ Փարիզում մահացել է նրա բարեկամը՝ ֆրանսիացի մարշալ դ՝ Ֆանտեն, ով իրեն ժառանգել է 8 հազար կարատանոց ադամանդ:

Որպեսզի ստանա իր ժառանգությունն, իշխանը մի քանի համաքաղաքացիների հետ Թբիլիսիից ուղևորվում է Փարիզ: Եվ հենց այդ պահից էլ սկսվում են իշխանի անսովոր արկածները և հենց այդտեղ էլ նրա սիրտն է թափանցում կյանքում առաջին և մեծ սերը...

Այս պատմությունն ասես լինի նախկին հայտնի բեմադրության՝ «Խանումայի» շարունակությունը՝ նախկին հերոսներն են, սակայն նոր արկածներով: Հանդիսատեսները կրկին կլսեն արդեն կյանքից հեռացած վրաց հիանալի արտիստների՝ Վերիկո Անջափարիձեի, Էրոս Մանջգալաձեի, Ռամազ Չխիկվաձեի ձայները:

Այս ներկայացումը բեմադրվել է շատ տարիներ առաջ, սակայն Գաբրիաձեն, այս ներկայացմանը վերադառնալով, այն լրացրել է նոր տեսարաններով, տիկնիկներով, դեկորացիաներով:

Ներկայացման մեջ հնչում է 20-րդ դարի սկզբներին ստեղծագործած կոմպոզիտոր Վիկտոր Դոլիձեի երաժշտությունը, հնչում են նաև վրացական ժողովրդական երգեր:

Ռեզո Գաբրիաձեի թատրոնը ստեղծվել է 1981 թ.-ին, երբ նա արդեն շատ հայտնի նկարիչ ու սցենարիստ էր (35 ֆիլմի սցենարի հեղինակ է): Նա հայտնի է նաև որպես գրող, քանդակագործ, թատերական ռեժիսոր, ում Փիտեր Բրուքը անվանել է «Մեծ գյուտարար»: Նրա մարիոնեթների թատրոնը համարվում է համաշխարհային եզակի երևույթ: Նա կրում է Ֆրանսիական հանրապետության մշակույթի և գրականության կոմանդորի կոչում, ԽՍՀՄ պետական մրցանակի և Շոթա Ռուսթավելու անվան պետական մրցանակի դափնեկիր է:

Նշենք, որ հյուրախաղերի ծրագրում վրաց արտիստները ընդգրկել են նաև երեք այլ ՝ «Մեր գարնան աշունը», «Ստալինգրադ» և «Ռամոնա» ներկայացումները:
    Դիտվել է 234 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255>>հաջորդ