Քաղաքակրթական ներուժը կեցության բարձրագույն արժեք է:

Սաթի Սպիվակովան կմարմնավորի Անրի Բարբյուսի հերոսուհուն

01.30.2015

Փետրվարի 3-ին Մոսկվայի երաժշտության միջազգային տան թատերական դահլիճում հայտնի հեռուստահաղորդավար և դերասան Սաթի Սպիվակովան ռեժիսոր Ռոման Վիկտյուկի բեմադրությամբ կներկայացնի ֆրանսիացի գրող Անրի Բարբյուսի «Քնքշություն» ստեղծագործությունը: Այդ մասին հաղորդում է «taglur.am»-ը՝ հղում անելով «tvkultura.ru»-ին:

Ներկայացումը մի սիրո պատմություն, որն ամփոփված է 5 նամակների մեջ, որոնց բովանդակությունը արտիստուհին ներկայացնում է «Մոսկվայի վիրտուոզների կատարմամբ հնչող Շումանի, Բրամսի, և Ֆրանկի կենդանի երաժշտության ներքո:

Սաթի Սպիվակովան ասել է, որ ինքը Անրի Բարբյուսի այդ ստեղծագործությանը ծանոթ է դեռ այն ժամանակից, երբ պատրաստվում էր ընդունվել Մոսկվայի Թատերական արվեստների պետական ինստիտուտ: Իսկ մի քանի տարի առաջ նա առաջարկել է ռեժիսոր Ռոման Վիկտյուկին և միջազգային մրցույթների դափնեկիր, Մոսկվայի կոնսերվատորիայի շրջանավարտ, մի շարք երաժշտական ներկայացումների հեղինակ Բասինիա Շուլմանին այդ երկի հիման վրա ստեղծել ներկայացում:

Սաթի Սպիվակովան 19 տարեկան հասակում նկարահանվել է «Անուշ» ֆիլմ օպերայում: 2000 թ.-ին հաջողությամբ մուտք է գործել հեռուստատեսության ոլորտ և հանդես եկել սեփական հեռուստածրագրերով, որոնցից են, օրինակ, «Կուլտուրա» հեռուստաալիքի «Կամերտոն» հաղորդումը և «Ոչ ձանձրալի կլասիկա» կրթական թոք-շուն, որն, ի դեպ, արժանացել է ռուսական հեռուստաակադեմիայի «ՏԷՖԻ» մրցանակին: Նա նկարահանվել է նաև ռուսական արտադրության մի քանի կինոնկարներում:

Սաթի Սպիվակովան, նշանավոր նվագավար և երաժիշտ Վլադիմիր Սպիվակովի կինը, թեև ապրում և ստեղծագործում է մերձավոր սփյուռքում, բայց պահպանում է սերտ կապերն իր հայրենիքի՝ Հայաստանի հետ:
    Դիտվել է 257 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ