Ռեժիսորի մեմորիալ աշխատասենյակ-թանգարանը եվրոպական «գանձերի» քառյակում02.05.2015
Եվրոպական կինոակադեմիան եվրոպական կինոյի մշակութային գանձարանների ցուցակում է ընդգրկել նաև Մոսկվայի կինոյի թանգարանի ֆոնդային ստորաբաժանումը համարվող, ռուս նշանավոր ռեժիսոր Սերգեյ Էյզենշտեյնի մեմորիալ աշխատասենյակ-թանգարանը: Այդ մասին հաղորդում է «taglur.am»-ը՝ հղում անելով ռուսական «Իզվեստիա» պարբերականին:
«Ապագա սերունդների համար պահպանվող» այդպիսի ոլորտային հաստատությունների ցանկում են ընդգրկված նաև «Բերգման» կենտրոնը, Լյումեր եղբայրների ինստիտուտը, «Տոնինո Գուերայի աշխարհ» թանգարանը:
«Ժամանակակից աշխարհում կինեմատոգրաֆիան կրում է կոմմերցիոն կինոյի ճնշումը»,- ասել է տուն-թանգարանի հիմնադիր Նաում Կլեյմանը: Ըստ նրա զանգվածային կինոյում ոչ մի վատ բան չկա, սակայն ներկա պայմաններում «մարդկության համար ռազմավարական տեսանկյունից կարևոր է օժանդակել այն կինոյին, որը նպատակ չի դնում միլիարդանոց շահույթներ ստանալու»: Կլեյմանը նշել է, որ իր համար մեծ բավականություն է, որ «կինոարվեստի առաջին 4 սրբատեղիների թվում է հայտնվել նաև Սերգեյ Էյզենշտեյնի աշխատասենյակը»:
«Գանձերի» քառյակը միաձայն հաստատվել է Եվրոպական կինոակադեմիայի պլենար նիստի ժամանակ: Հետագայում այդ ցուցակը պետք է ընդարձակվի: Ակադեմիկոսները պլանավորում են ցուցակը ձևավորել միջազգային կինոհասարակության հետ քննարկումների միջոցով՝ ճիշտ այն եղանակով, ինչպես UNESCO-ի համաշխարհային ժառանգության ցուցակը: Այս նախաձեռնության հեղինակները հույս ունեն, որ այն կմեծացնի զբոսաշրջային գրավչությունը և այդպիսի մշակութային արժեքները պահպանելու հնարավորությունները:
Ի դեպ, Էյզենշտեյնի աշխատասենյակը մեմորիալ է ոչ լիարժեք կերպով: Բանն այն է, որ ռեժիսորի մահից հետո այդ բնակարանը թանգարան դարձնելու նրա կնոջ՝ Պերա Ատաշևայի մտադրությունը չիրականացավ լիովին: Բնակմակերեսը «Մոսֆիլմ» կինոստուդիան պահեց իրեն և Ատաշևան ստիպված էր այդ հանճարի բոլոր իրերը, այդ թվում 4000 կտորից կազմված գրադարանը, նկարները և արխիվի մի մասը տեղավորել իր ծնողների բնակարանում:
Իսկ թանգարանը ստեղծվեց միայն 1965 թ.-ին՝ համաձայն այդ տիկնոջ կտակի: Բայց այդ ընթացքում տունը որտեղ ապրել էր Էյզենշտեյնը քանդել էին և տեղում բացել էին Վորոբյովի բլուրների վրա գտնվող Մոսկվայի պետական համալսարանի գլխավոր շենք տանող մուտքը: Այսօրվա թանգարանը տեղավորված է Մոսսովետի կողմից թանգարան հիմնելու համար Սմոլենսկի փողոցում հատկացված խրուշչովյան երկսենյականոց մի բնակարանում:
Եվրոպական կինոյի ակադեմիկոսները, կազմելով իրենց ցուցակը, հույս ունեն, որ «Գանձերի» ցուցակը կնպաստի կինոյի պատմության նկատմամբ հետաքրքրության աճին: Սակայն, ինչպես այդ մասին գրում են ռուսական պարբերականները դա չի կարող անհրաժեշտ պայման ապահովել, որպեսզի միաժամանակ, ընդամենը 4-5 այցելուի իր տարածքում ընդունելու կարողություն ունեցող Էյզենշտեյնի թանգարանի մակերեսը ավելի ընդարձակ դառնա: Նշվում է, որ այսօր, դեռ, մեմորիալ աշխատասենյակ-թանգարան կարող են այցելել ոչ բոլոր ցանկացողները:
Եվրոպական կինոակադեմիան եվրոպական կինոյի մշակութային գանձարանների ցուցակում է ընդգրկել նաև Մոսկվայի կինոյի թանգարանի ֆոնդային ստորաբաժանումը համարվող, ռուս նշանավոր ռեժիսոր Սերգեյ Էյզենշտեյնի մեմորիալ աշխատասենյակ-թանգարանը: Այդ մասին հաղորդում է «taglur.am»-ը՝ հղում անելով ռուսական «Իզվեստիա» պարբերականին:
«Ապագա սերունդների համար պահպանվող» այդպիսի ոլորտային հաստատությունների ցանկում են ընդգրկված նաև «Բերգման» կենտրոնը, Լյումեր եղբայրների ինստիտուտը, «Տոնինո Գուերայի աշխարհ» թանգարանը:
«Ժամանակակից աշխարհում կինեմատոգրաֆիան կրում է կոմմերցիոն կինոյի ճնշումը»,- ասել է տուն-թանգարանի հիմնադիր Նաում Կլեյմանը: Ըստ նրա զանգվածային կինոյում ոչ մի վատ բան չկա, սակայն ներկա պայմաններում «մարդկության համար ռազմավարական տեսանկյունից կարևոր է օժանդակել այն կինոյին, որը նպատակ չի դնում միլիարդանոց շահույթներ ստանալու»: Կլեյմանը նշել է, որ իր համար մեծ բավականություն է, որ «կինոարվեստի առաջին 4 սրբատեղիների թվում է հայտնվել նաև Սերգեյ Էյզենշտեյնի աշխատասենյակը»:
«Գանձերի» քառյակը միաձայն հաստատվել է Եվրոպական կինոակադեմիայի պլենար նիստի ժամանակ: Հետագայում այդ ցուցակը պետք է ընդարձակվի: Ակադեմիկոսները պլանավորում են ցուցակը ձևավորել միջազգային կինոհասարակության հետ քննարկումների միջոցով՝ ճիշտ այն եղանակով, ինչպես UNESCO-ի համաշխարհային ժառանգության ցուցակը: Այս նախաձեռնության հեղինակները հույս ունեն, որ այն կմեծացնի զբոսաշրջային գրավչությունը և այդպիսի մշակութային արժեքները պահպանելու հնարավորությունները:
Ի դեպ, Էյզենշտեյնի աշխատասենյակը մեմորիալ է ոչ լիարժեք կերպով: Բանն այն է, որ ռեժիսորի մահից հետո այդ բնակարանը թանգարան դարձնելու նրա կնոջ՝ Պերա Ատաշևայի մտադրությունը չիրականացավ լիովին: Բնակմակերեսը «Մոսֆիլմ» կինոստուդիան պահեց իրեն և Ատաշևան ստիպված էր այդ հանճարի բոլոր իրերը, այդ թվում 4000 կտորից կազմված գրադարանը, նկարները և արխիվի մի մասը տեղավորել իր ծնողների բնակարանում:
Իսկ թանգարանը ստեղծվեց միայն 1965 թ.-ին՝ համաձայն այդ տիկնոջ կտակի: Բայց այդ ընթացքում տունը որտեղ ապրել էր Էյզենշտեյնը քանդել էին և տեղում բացել էին Վորոբյովի բլուրների վրա գտնվող Մոսկվայի պետական համալսարանի գլխավոր շենք տանող մուտքը: Այսօրվա թանգարանը տեղավորված է Մոսսովետի կողմից թանգարան հիմնելու համար Սմոլենսկի փողոցում հատկացված խրուշչովյան երկսենյականոց մի բնակարանում:
Եվրոպական կինոյի ակադեմիկոսները, կազմելով իրենց ցուցակը, հույս ունեն, որ «Գանձերի» ցուցակը կնպաստի կինոյի պատմության նկատմամբ հետաքրքրության աճին: Սակայն, ինչպես այդ մասին գրում են ռուսական պարբերականները դա չի կարող անհրաժեշտ պայման ապահովել, որպեսզի միաժամանակ, ընդամենը 4-5 այցելուի իր տարածքում ընդունելու կարողություն ունեցող Էյզենշտեյնի թանգարանի մակերեսը ավելի ընդարձակ դառնա: Նշվում է, որ այսօր, դեռ, մեմորիալ աշխատասենյակ-թանգարան կարող են այցելել ոչ բոլոր ցանկացողները: