Քաղաքակրթական ներուժը կեցության բարձրագույն արժեք է:

Մեծ թատրոնը «Google»-ի հետ դարձել է էքսկուրսիայի համար մատչելի տարածք

02.11.2015

Ռուսաստանի Մեծ թատրոնը «Google»-ի հետ համատեղ սկսել է վիրտուալ էքսկուրսիաներ անցկացնել իր պատմական կառույցներով և Նոր բեմի տարածքով: Բացի այդ համացանցի օգտատերերի ուշադրությանն է ներկայացվում թանգարանային ցուցանմուշներով ձևավորված թվային ցուցադրանքներ: Ի դեպ, առաջին անգամ օն լայն ձևաչափով համացանցի օգտատերերին է ներկայացվում նաև թատրոնի թանգարանի ֆոնդերում պահպանվող լուսանկարների և հագուստների հավաքածոները: Այդ մասին «lenta.ru»-ի տեղեկատվությունը փոխանցում է «taglur.am»-ը:

«Առաջին հերթին սա 3D ձևաչափով մանրակրկիտ վիրտուալ ճանապարհորդություն է թատրոնով: Հիմա աշխարհի ցանկացած կետից օգտատերերը կարող են շրջել Մեծ թատրնի դահլիճներով ու միջանցքներով, լինել օթյակներում և, նույնիսկ, հայտնվել բեմի վրա: Առաջին անգամ մենք կցուցադրենք նաև թատրոնի Վերին բեմը, վայր, որտեղ տեղի են ունենում բալետային և օպերային ներկայացումների փորձերը»,- ասել է Մեծ թատրոնի տնօրեն Վլադիմիր Ուրինը:

Օգտատերերին հասանելի են 3 ցուցահանդեսներ, որոնք կրում են «Ֆեդոր Ֆեդորովսկի: Մեծ թատրոնի լեգենդը», «Մեծ թատրոնի հագուստները» և «Հին լուսանկարչություն» խորագրերը:

Ամբողջ ցուցադրանքը ընդգրկում է ավելի քան 200 հազար նմուշ, սակայն թատրոնը չունի բավարար մակերեսներ, այդ ամենը ներկայացնելու ամբողջությամբ:

Ավելացնենք, որ վիրտուալ ցուցահանդեսը հասանելի է «Մշակույթի ակադեմիա» հարթակում, որը համացանցում տեղադրված է հետևյալ հասցեում՝ https://www.google.com/culturalinstitute/collection/bolshoi-theatre?hl=ru
    Դիտվել է 380 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ