Քաղաքակրթական ներուժը կեցության բարձրագույն արժեք է:

«Սև շուկայում» վաճառվել են ավելի քան 1 մլրդ դոլարի արվեստի առարկաներ

02.17.2015

Պետերբուրգում դատարանի որոշմամբ ձրբակալվել է Պետական Էրմիտաժի մի աշխատակից, որը փորձել է թանգարանից դուրս տանել հնագույն գրքերից բարբարոսաբար պոկած-հանված եզակի փորագրանկարներ, լուսանկարներ և այլ բնույթի նյութեր: Այդ մասին հաղորդում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Գողության փաստը ստիպել է, որ թանգարանի տնօրինությունը լրացուցիչ միջոցներ ձեռնարկի թանգարանային գույքի պահպանության ուղղությամբ: «Ես կարգադրել եմ, որպեսզի խստացվի գրադարանի աշխատակիցների տեղաշարժերի նկատմամբ հսկողությունը, նրանց արգելել եմ միայնակ գտնվել գրապահոցներում, որոշում եմ կայացրել տեղադրել տեսախցիկներ և իրականացնել ևս մի քանի այլ միջոցառումներ»,- հայտարարել է Էրմիտաժի տնօրեն Միխայիլ Պիոտրովսկին:

Նրա խոսքերով այդ գողությունը տեղի է ունեցել գրադարանում «բանտային կոշտ դիսցիպլինայի բացակայության պատճառով»: Ինչպես նշել է նա, այնուամենայնիվ, թանգարանում այդպիսի կոշտ համակարգ մտցվել է 2006 թ.-ին կատարված գողությունից հետո, իսկ գրադարանում, դրանից հետո էլ այլ բնույթի կանոններ էին գործում:

Այժմ, ըստ Պիոտրովսկու թանգարանի անվտանգության աշխատակիցները ակտիվ համագործակցում են Դաշնային անվտանգության ծառայության աշխատակիցների հետ գրքերի նկատմամբ վանդալիզմի դրսևորման ու գողության քննությունն իրականացնելու ուղղությամբ:

Էրմիտաժի գիտական գրադարանը Ռուսաստանի ամենախոշոր և ամենահին գրապահոցներից մեկն է: Այն հիմնադրել է1762 թ.-ին՝ Եկատերինա 2-րդ թագուհին: Այժմ հաստատության պահոցներում տարբեր լեզուներով արվեստի, պատմագիտության, ճարտարապետության մասին արժեքավոր գրքերի թիվն անցնում է ավելի քան 800 հազար կտորից:

Ավելացնենք, որ ըստ Ինտերպոլի վիճակագրական տվյալների միայն վերջին 15 տարիներին Ռուսաստանից գողացվել և «սև շուկայում» վաճառվել են ավելի քան 1 մլրդ դոլար ընդհանուր արժեքով արվեստի առարկաններ:
    Դիտվել է 363 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293