Քաղաքակրթական ներուժը կեցության բարձրագույն արժեք է:

Պիես՝ Եղիսաբեթ 2-րդ թագուհու երկխոսությունների հիման վրա

02.21.2015


Բրիտանացի դրամատուրգ Փիթեր Մորգանը կստեղծի հայտնի «Պաշտոնական ընդունելություն» պիեսի ռուսական տարբերակը, որը կվերաշարադրվի հատուկ հայտնի ռուս դերասանուհի Իննա Չուրիկովայի համար: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է «taglur.am»-ը:

Հաղորդագրությունը նշում է, որ Փիթեր Մորգանը համաձայնվել է ստեղծել իր ստեղծագործության բացառիկ տարբերակը՝ որտեղ կանդրադառնա վերջին քաղաքական իրադարձություններին և մասնավորապես պիեսում ավելացնելով Ուկրաինայի դեպքերին նվիրված նոր գլուխներ:

«Պաշտոնական ընդունելություն»-ը ներկայացնում է Եղիսաբեթ 2-րդ թագուհու երկխոսությունները Մեծ Բրիտանիայի բոլոր վարչապետերի հետ՝ վերջին 60 տարվա ընթացքում: Թագուհու զրուցակիցների ցանկը սկսվում է Ուինսթոն Չերչիլով, իսկ ավարտվում է Բրիտանիայի նախարարների խորհրդի կաբինետի այսօրվա ղեկավարով՝ Դևիդ Քեմերոնով:

«Պաշտոնական ընդունելություն» պիեսը, որում թագուհի Եղիսաբեթ 2-րդի դերակատարմամբ հանդես էր գալիս անգլիացի դերասանուհի Հելեն Միրրենը, Լոնդոնում առաջին անգամ ցուցադրվել է 2012 թ.-ին: Ներկայացումն ունեցել է հսկայական հաջողություն և արժանացել է միջազգային ճանաչման: Ընթացիկ թատերաշրջանում այդ ներկայացման մեջ թագուհու կերպարը լոնդոնյան բեմում կմարմնավորի մեկ այլ բրիտանացի աստղ, որի անունը դեռ չի հրապարակվում:

Ռուսաստանում Իննա Չուրիկովայի համար հատուկ գրված «Պաշտոնական ընդունելություն»-ը կբեմադրի նրա ամուսինը՝ ռեժիսոր Գլեբ Պամֆիլովը: Այս ներկայացումը կիրականացվի Մոսկվայի «Լենկոմ» թատրոնի և այս թատրոնի ամերիկացի գործընկերների համատեղ ուժերով: Ենթադրվում է, որ պրեմիերան կկայանա եկող թատերաշրջանի սկզբին:
    Դիտվել է 398 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ