Քաղաքակրթական ներուժը կեցության բարձրագույն արժեք է:

Մտադիր են դիմել ԱՊՀ անդամ երկրների թատրոններին

03.05.2015


Բիշքեքի Չոլպոնբեկ Բազարբաևի անվան խորեոգրաֆիական ուսումնարանում բացվել է Ղրղզստանի բալետի առաջին թանգարանը: Այդ մասին «Ռոսիյսկայա գազետա» պարբերականի տեղեկատվությունը փոխանցում է «taglur.am»-ը:

Ցուցադրանքում ներկայացվում է այդ երկրում դասական պարի ծագման պատմությունը, բեմական հանդերձանք, դեկորացիաներ: Եզակի արխիվային լուսանկարները ներկայացնում են ղրղզ առաջին պարուհի Ջումակալիյ Արսըգուլիևային, ում ստեղծագործական կյանքը ընդհատեց անբուժելի հիվանդությունը: Այստեղ կարելի է ծանոթանալ նաև բալետի հայտնի պարուհի Բյուբյուսարա Բեյշենալիևայի Ղրղզստանի օպերայի և բալետի թատրոնում առաջին բեմելի մասին: Թանգարանի կազմակերպիչները գտել են անգամ նրա պարային կոշիկները:

Թանգարանում զգալի տեղ է զբաղեցնում ԽՍՀՄ ժողովրդական արտիստ Չոլպոբեկ Բազարբաևին հատկացված ցուցադրանքը: Արտիստին, որի անունն է կրում խորեոգրաֆիայի ուսումնարանը, այցելուները կարող են ծանոթանալ կամ վերհիշել արխիվային լուսանկարների հարուստ հավաքածոյով, երկրպագուների կողմից նրան հասցեագրված նամակներով, տարբեր երկրների ղեկավարների և դիվանագետների նվիրաբերած ընծաներով:

Թանգարանում ներկայացվում են նաև ղրղզական բեմում այսօր գործող շատ վարպետներ՝ Մարինա Լաստոչկինան, ում մասին ասում են, որ ոչ թե պարում, այլ սավառնում է օդում, Կուվանչիբեկ Սիդիկովան, Դոկտուրբեկ Բեյսեևը և այլ հայտնի դերասաններ:

Ուսումնարանի աշխատակիցների ասելով, ցուցանմուշները հավաքելու համար իրենցից պահանջվել է 2 տարի:

«Թանգարանը ուսումնարանում բացելու որոշումը մենք հատուկ նպատակով ենք կայացրել: Նրանք, ովքեր որոշել են նվիրվել դասական պարին, պետք է իմանան, որ բալետը ծանրագույն աշխատանք է: Այդ իսկ պատճառով մենք չենք ցանկանում, որպեսզի մեր երեխաները այդ հարցում ընկնեն երևակայության գիրկը»,- ասել է կրթօջախի գեղարվեստական ղեկավար Այգուլ Մուրատալիևան:

Թանգարանի կազմակերպիչները մտադիր են դիմել ԱՊՀ անդամ երկրների թատրոններին՝ խնդրելով հավաքել և իրենց տրամադրել պատմական նյութեր՝ իրենց ցուցադրանքը համալրելու համար
    Դիտվել է 408 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ