Քաղաքակրթական ներուժը կեցության բարձրագույն արժեք է:

Առաջարկում է «Եվրատեսիլի» փոխարեն անցկացնել եվրասիական երաժշտական մրցույթ

03.12.2015

Սանկտ-Պետերբուրգի օրենսդիր ժողովի պատգամավոր Վիտալի Միլոնովը, ով հայտնի է իր ոչ միանշանակ արձագանքի արժանացող օրենսդրական նախաձեռնություններով և հայտարարություններով, դիմել է Ռուսաստանի մշակույթի նախարար Վլադիմիր Մեդինսկուն՝ առաջարկելով որպեսզի Ռուսաստանը բոյկոտի «Եվրատեսիլ» երաժշտական մրցանակաբաշխությունը: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է «taglur.am»-ը:

«Պատգամավորի կարծիքով, ռուսաստանցի երաժիշտների մասնակցությունը մրցույթին կնշանակի երկրի հոգևոր ու գաղափարական առողջացման ընտրած ուղուց հրաժարում»,- բացատրել են պատգամավորի մամլո ծառայությունում:

Միլոնովը հիշում է նախկին «Եվրատեսիլում» մորուքվոր կնոջ՝ Կոնչիտա Վուրսթի ելույթը, որը ըստ նրա մեծ վիրավորանք էր իր իսկ միլիոնավոր հայրենակիցների համար: «Այն, ինչ այնտեղ («Եվրատեսիլում») վերջին տարիներին կատարվում է, երաժշտական մշակույթի ծաղրի ու դրան անառողջ մշակութային նախապատվություններ պարտադրելու հատուկ ձև է»,- գտնում է Միլոնովը:

Դրա հետ կապված նա առաջարկում է ՌԴ մշակույթի նախարարին օժանդակել եվրասիական երաժշտական մրցույթ կազմակերպելու գաղափարի իրականացմանը, մրցույթ «որը կհամապատասխանի տարբեր երկրների միլիոնավոր քաղաքացիների ճաշակին»:

Ըստ Միլոնովի, Ռուսաստանը հասել է այն մակարդակին, «որ կարող է ինքը որոշել սեփական և մերձավոր դաշնակիցների մշակութային զարգացման ուղղությունը»:

Նոր երաժշտական մրցույթի հավանական մասնակիցների թվում Միլոնովը տեսնում է Բելոռուսին, Ղազախստանին, Հայաստանին, Ադրբեջանին, Հունաստանին, Կիպրոսին, Սերբիային և այլ երկրների:
    Դիտվել է 323 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778