Քաղաքակրթական ներուժը կեցության բարձրագույն արժեք է:

Գրողը ռեժիսորին մեղադրում է գրագողության մեջ և կպահանջի 1 միլիարդ դոլարի փոխհատուցում

03.13.2015

Չեչեն գրող Ռուսլան Զակրիևը մեղադրում է կինոռեժիսոր Ջեյմս Քեմերոնին գրագողության մեջ և նրան դատի կտա: Այդ մասին հաղորդում է «taglur.am»-ը՝ հղում անելով «rusnovosti.ru»-ին:

Չեչեն գրողը իր գիրքը հրապարակել է «proza.ru» կայքում 2002թ.-ին, իսկ Հոլլիվուդյան արտադրանքը, որը համաշխարհային վարձույթում ունեցել է մի քանի միլիարդ դոլարի հասույթ, թողարկվել է 2009 թ.-ին:

Զակրիևը պնդում է, որ ամերիկացի ռեժիսորը ֆիլմի սցենարի հիմքում դրել է իր «Գաղտնի զենք» վեպը, որն ինքը գրել է 1996 թ.-ին, իսկ 2001 թ.-ին այն թվայնացրել է և 2002 թ.-ի հունվարին հրապարակել է համացանցում: Նա նախապատրաստվում է դատարանի միջոցով ապացուցել իր մասնակցությունը այդ կինոնկարի ստեղծմանը և մտադիր է իր օգտին պահանջել 2009 թ.-ի ամենադրամարկղային ֆիլմի հասույթի 1/3-ը:

«Մեկ միլիարդ դոլար երեք միլիարդ դոլարից, որը ստացել է Քեմերոնը, նա պարտավոր է մեզ տալ: Ես ցանկանում եմ ստեղծել կինոստուդիա և նկարահանել ֆիլմեր: Ես շատ ստեղծագործություններ ունեմ, իսկ կինոստուդիա՝ ոչ»,-ասել է Զակրիևը:

«Ավատար» գիտա-ֆանտաստիկական ֆիլմը նվաճել է կինոաշխարհի գրեթե բոլոր հայտնի մրցանակները՝ «Օսկար», «Ոսկե գլոբուս», BAFTA, Վենետիկի կինոփառատոնի մրցանակ և նույնիսկ ռուսական «Ոսկե արծիվ»:

Որպեսզի ֆիլմի հեղինակներին ապացուցի, որ նրանց ստեծագործության շատ դրվագներ վերցված են իր ստեղծագործությունից, Զակրիևը հավաքել է փորձագիտական խորհուրդ: Չեչենական հանրապետության գրողների միությունում համաձայն են, որ վեպում նկարագրված շատ տեսարաններ նույնական են ֆիլմի հետ:

Ստանալով մինչդատական փորձաքննության եզրակացությունը՝ Զակրիևը այս մասին գրել է Քեմերոնին և նրանից ստացել է պատասխան, որ ռեժիսորն այդ սցենարի վրա սկսել է աշխատել դեռ 1994 թ.-ից, սակայն տեխնիկական հնարավորությունների բացակայության պատճառով նկարահանումները հետաձգել է 10 տարով: Զակրիևը հիմա վստահ է, որ իր նամակին Քեմերոնի պատասխանելու հանգամանքն այն բանի վկայությունն է, որ ռեժիսորն իրենից բան ունի թաքցնելու:

Զակրիևի փաստաբան Դմիտրի Կազացկերը վստահ է, որ այս խնդրի մեջ պարզության հասնելու համար մեկ տարի չի, որ կպահանջվի: «Նա, իհարկե, հայտարարում է իր պատասխանները, որ «ներկա պահին դուք պետք է հերթի կանգնեք»: Որովհետև արդեն շատ այլ ընկերություններ են հայտարարել այդ սցենարի նկատմամբ իրենց իրավունքների մասին: Նա ասել է, որ ԱՄՆ-ում մոտ 10 և նույնիսկ ավելի շատ հեղինակներ են հայտարարել, որ «Ավատարի» ինչ-որ մաս իրենք արդեն հեղինակել են»,- ավելացրել է փաստաբանը:

2013 թ.-ին խորվաթ գրող Ջեյմս Բրեդոկը պարտվեց Անջելինա Ջոլիի դեմ գրագողության մեղադրանքով իր նախաձեռնած դատական քննությունը: Նա էլ այդ վարույթում պնդում էր, որ «Արյան և մեղրի եզերքում» ֆիլմի սյուժեն վերցված է իր «Սրտի կեղեքում» գրքից:
    Դիտվել է 341 անգամ
    1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283